విజయ్ దేవరకొండ హీరోగా పూరి జగన్నాథ్ దర్శకత్వంలో తెరకెక్కిన చిత్రం లైగర్. ఈ నెల 25న సినిమా ప్రపంచవ్యాప్తంగా ప్రేక్షకుల ముందుకురానుండగా వరంగల్‌లో నిర్వహించిన లైగర్ ఫ్యాన్‌డమ్ ఈవెంట్‌కు అతిథిగా హాజరయ్యారు మంత్రి ఎర్రబెల్లి దయాకర్ రావు.
ఈ సందర్భంగా మాట్లాడిన విజయ్….. సగం దేశం తిరిగి వచ్చిన తరువాత ఇక్కడకు వచ్చాం. ఎక్కడకు వెళ్లినా కూడా ఇక్కడి వాళ్లు లైగర్ గురించి ఏమనుకుంటున్నారో తెలుసుకోవాలని ఉండేది. ఈ రోజు ఇక్కడ పెద్ద ఈవెంట్ చేద్దామని అనుకున్నాం. కానీ వర్షం వల్ల ఇలా చేస్తున్నాం. ఇండియా అంతా ఇప్పుడు ప్రేమ చూపిస్తోంది. కానీ ఇదంతా కూడా ఇక్కడే మొదలైంది. మీరు ఇచ్చిన ప్రేమను ఆగస్ట్ 25న ఫుల్లుగా తిరిగి ఇస్తాం అన్నారు. తనను సూపర్ స్టార్ అని పిలవొద్దని అలా పిలిచినప్పుడల్లా ఇబ్బందిగా ఉందన్నారు.
సినిమాలో ఓ డైలాగ్ ఉంది. పూరి రాసిన డైలాగ్ హీరోలు చెప్పాలంటే దేవుడి బ్లెస్సింగ్ ఉండాలి. పోదాం.. కొట్లాడుదాం.. ఆగ్ హై అందర్.. దునియా ఆగ్ లగా దేంగే..వాట్ లగా దేంగే లైగర్ టీంకు పని చేసిన అందరికీ చాలా థాంక్స్. ఐ లవ్యూ ఆల్ అని తెలిపారు విజయ్.
