కాశిగా వస్తున్న బిచ్చగాడు

బిచ్చగాడు మూవీతో తెలుగులో తనకంటూ ఒక ప్రత్యేకమైన ఇమేజ్‌ను సొంతం చేసుకున్న విజయ్ ఆంటోని. రొటీన్ కథలకు భిన్నంగా ప్రయోగాత్మక కథలతో ఆకట్టుకునే విజయ్ ఆంటోనీ.. బిచ్చగాడు మూవీ తరువాత భేతాళుడు, యమన్,ఇంద్రసేన వంటి చిత్రాలలో విమర్శకుల ప్రశంసలను అందుకున్నారు.

ఈ నేపథ్యంలో కాశిగా మరోసారి ప్రేక్షకుల ముందుకురాబోతున్నాడు విజయ్. ఈ చిత్రంలో తెలుగమ్మాయ్ అంజలితో పాటు మరో హీరోయిన్‌గా సునయన నటిస్తోంది. ఈ సినిమాకి సంబంధించిన ఫస్ట్ లుక్ పోస్టర్‌ని చిత్ర యూనిట్ తాజాగా విడుదల చేసింది.

విజయ్ ఆంటోని సంగీతం అందిస్తున్న ఈ చిత్రంలోని ‘అందమా’ అనే సింగిల్‌ని జనవరి 25వ తేదిన విడుదల చేయబోతున్నారు. కృత్తిక ఉదయనిధి దర్శకత్వంలో తెరకెక్కుతున్న ఈ చిత్రాన్ని ఫాతిమా విజయ్ ఆంటోని నిర్మిస్తున్నారు.