టాలీవుడ్‌ సీనియర్ నటుడు చలపతిరావుకు స్వల్ప గాయాలయ్యాయి. ఫిల్మ్‌సిటీలోని ఓ షూటింగ్‌లో పాల్గొన్న ఆయన బస్సు వెనుక నిచ్చెన ఎక్కుతుండగా ప్రమాదవశాత్తు కిందపడ్డారు. దీంతో ఆయన్ను వెంటనే ఆసుపత్రికి తరలించారు. ప్రస్తుతం చలపతిరావు ఆపోలో ఆసుపత్రిలో చికిత్స పొందుతున్నారు. అల్లరి నరేష్‌ సినిమా షూటింగ్‌ సమయంలో ఈ ప్రమాదం జరిగినట్లు తెలుస్తోంది.
చలపతిరావు ఆరోగ్యంపై ఆందోళన చెందవద్దని, చికిత్స అందిస్తున్నామని వైద్యులు తెలిపారు. చలపతిరావు ఆరోగ్య పరిస్థితిని చిత్ర నిర్మాత డాక్టర్లను అడిగి తెలుసుకుంటున్నారు. హీరో నరేష్‌తో పాటు పలువురు టాలీవుడు నటులు ఆయన ఆరోగ్యంపై ఆరా తీశారు.
సీనియర్ నటుడిగా విలన్, కామెడీయన్‌గా, క్యారెక్టర్ ఆర్టిస్టుగా ఎన్నో అద్భుతమైన పాత్రల్లో నటించి ప్రేక్షకులను మెప్పించారు చలపతి రావు .ఆ మద్య అమ్మాయిలపై చేసిన కామెంట్స్ సోషల్ మీడియాలో పెద్ద రాద్దాంతం సృష్టించింది. అంతే కాదు మహిళా సంఘాలు ఆయనపై పోలీస్ ఫిర్యాదు కూడా చేశాయి. కాగా, తాను చేసిన వ్యాఖ్యలు తప్పుగా అర్థం చేసుకున్నారని..మహిళల మనోభావాలు దెబ్బతింటే తనను క్షమించాలని మీడియా ద్వారా తెలిపారు.
