విక్టరీ వెంకటేష్- మెగా ప్రిన్స్ వరుణ్ తేజ్‌ కాంబినేషన్‌లో తెరకెక్కిన చిత్రం ఎఫ్‌2. ఈ ఏడాది సంక్రాంతికి విడుదలైన ఈ చిత్రం బ్లాక్ బస్టర్ హిట్‌గా నిలిచింది. ఈ నేపథ్యంలో ఎఫ్‌2కి సీక్వెల్‌గా ఎఫ్‌3ని తీస్తున్నట్లు ప్రకటించారు దర్శకుడు అనిల్ రావిపూడి.
అయితే తాజాగా ఈ ప్రాజెక్టుకు సంబంధించి అప్‌డేట్ ఇచ్చేశాడు వెంకీ. 2020లో తాను రెండు ప్రాజెక్టులకు గ్రీన్ సిగ్నల్ ఇచ్చానని వెల్లడించారు. అసురన్ రీమేక్‌తో పాటు ఎఫ్‌3 సినిమాలు చేయనున్నట్లు చెప్పారు. ఎఫ్‌3 2021 సంక్రాంతికి ప్రేక్షకుల ముందుకురానుందని…ఇప్పటికే దర్శకుడు కథను సిద్ధం చేశారని చెప్పారు.
ఈ సినిమాలో వెంకీ,వరుణ్ తేజ్‌తో పాటు విజయశాంతి కూడా కీ రోల్ పోషించనుంది. ఇక ప్రస్తుతం అనిల్ రావిపూడి మహేష్‌తో సరిలేరు నీకెవ్వరు చిత్రాన్ని తెరకెక్కిస్తున్నారు. ఈ సినిమా సంక్రాంతికి ప్రేక్షకుల ముందుకురానుంది.
సరిలేరు నీకెవ్వరులో విజయశాంతి కీ రోల్ పోషిస్తుండగా ఎఫ్‌3లో కూడా విజయశాంతిని నటింపచేయాలని భావించాడట. దీనికి ఆమె కూడా గ్రీన్ సిగ్నల్ ఇచ్చినట్లు సమాచారం. ఇక ఎఫ్‌3ని దిల్ రాజు నిర్మిస్తుండగా త్వరలోనే ఇందుకు సంబంధించిన అఫిషియల్ అనౌన్స్‌మెంట్ వచ్చే అవకాశం ఉంది.
Venkatesh who is commencing the remake of ‘Asuran’ said he will do two movies next year. Along with ‘Asuran’ remake, he will be launching ‘F3’
