ఎఫ్ 3ని బిగ్గెస్ట్ బ్లాక్ బస్టర్ చేసిన ప్రేక్షకులకు, అభిమానులకు కృతజ్ఞతలు తెలిపారు హీరో విక్టరీ వెంకటేష్. ఈ రోజు వెంకటేష్, మెగా ప్రిన్స్ వరుణ్ తేజ్, బ్లాక్ బస్టర్ డైరెక్టర్ అనిల్ రావిపూడి, స్టార్ ప్రొడ్యూసర్ దిల్ రాజు సూపర్ హిట్ కాంబినేషన్ లో ప్రేక్షకుల ముందుకు వచ్చిన భారీ మల్టీస్టారర్ ‘ఎఫ్ 3స సూపర్ హిట్ టాక్‌తో దూసుకుపోతోంది.. ఈ సంద‌ర్భంగా చిత్ర బృందం స‌క్సెస్ మీట్‌లో పాల్గొంది. ఆ సంద‌ర్భంగా హీరో వెంటేష్ మాట్లాడుతూ.. . పాండమిక్ తర్వాత చాల సినిమాలు వచ్చాయి. యూత్, మాసే థియేటర్ కి వస్తున్నారని వినిపించేది. దిల్ రాజు, అనిల్ రావిపూడి మేము అంతా కలసి ఫ్యామిలీస్ ని థియేటర్ కి రప్పించాలనే లక్ష్యం పెట్టుకున్నాం. ఆ లక్ష్యం ఎఫ్3తో నెరవేరినందుకు ఆనందంగా వుంది అన్నారు.
కుటుంబం అంతా కలిసొచ్చి ఎఫ్3 ని ఎంజాయ్ చేస్తున్నారు.ఎఫ్2 తర్వాత నేను థియేటర్ కి వెళ్లి చూసిన సినిమా ఎఫ్ 3నే. దేవి థియేటర్ లో చూశాను. థియేటర్లో ప్రేక్షకులు రియాక్షన్స్ చూస్తుంటే చాలా ఆనందంగా వుంది. ప్రతి సీన్ ఎంజాయ్ చేస్తున్నారు. దిల్ రాజు, శిరీష్ ఎఫ్2 తర్వాత మళ్ళీ ఇంతపెద్ద ఎంటర్ టైనర్ తీసునందుకు సంతోషంగా వుంది అన్నారు. అనిల్ రావిపూడి ఎఫ్2 కంటే అద్భుతమైన వర్క్ చేశారు. ఎఫ్3 యూనిట్ అంతా వండర్ ఫుల్ టీం వర్క్ చేసింది. ప్రేక్షకులు మళ్ళీ మళ్ళీ వచ్చి ఎఫ్3 ని ఎంజాయ్ చేయాలి” అని కోరుకున్నారు.
