విక్టరీ వెంకటేష్ 75 మైల్ స్టోన్ మూవీ సైంధవ్ ని మెమరబుల్ గా చేయడానికి భారీ తారాగణం ,అగ్రశ్రేణి సాంకేతిక నిపుణులు పని చేస్తున్నారు. హిట్‌వర్స్ ఫేమ్ శైలేష్ కొలను ఈ చిత్రానికి దర్శకత్వం వహిస్తుండగా, ప్రముఖ నిర్మాత వెంకట్ బోయనపల్లి నిహారిక ఎంటర్‌టైన్‌మెంట్ బ్యానర్‌ పై ప్రతిష్టాత్మకంగా నిర్మిస్తున్నారు. 8 మంది కీలక నటీనటుల చుట్టూ ఈ సినిమా కథ తిరుగుతుంది. ఇప్పటివరకు 7 పాత్రలను పరిచయం చేశారు. వెంకటేష్, నవాజుద్దీన్ సిద్ధిఖీ, శ్రద్ధా శ్రీనాథ్, రుహాని శర్మ, ఆండ్రియా జెరెమియా, సారా, జయప్రకాష్ వీడియోలో కనిపించారు.పాన్ ఇండియా మూవీ సైంధవ్ అన్ని దక్షిణాది భాషలు, హిందీలో డిసెంబర్ 22న క్రిస్మస్ సందర్భంగా విడుదల కానుంది.
తాజాగా ఈ సినిమాకు సంబంధించిన అప్‌డేట్‌ని ఇచ్చారు దర్శకుడు శైలేష్. ప్రస్తుతం డబ్బింగ్ పనుల్లో తాము బిజీగా ఉన్నామని తాను తెలపగా ఈ సినిమా టీజర్‌ని వచ్చే వారం లేదా ఈ నెలలోనే ప్లాన్ చేస్తున్నట్టుగా తెలుస్తుంది. అయితే అంచనాలకి మించే ఈ టీజర్ కట్ అదిరే లెవెల్లో ప్లాన్ చేస్తున్నారని టాక్. విజువల్స్ కానీ నెక్స్ట్ లెవెల్లో వచ్చాయని అంటున్నారు. మరి దీనిపై మరింత క్లారిటీ రావాల్సి ఉంది.
Also Read:చిరుతో బోయపాటి..కన్ఫామ్!
