నేడు నగరంలో ట్రాఫిక్ ఆంక్షలు..

ఉప రాష్ట్రపతి వెంకయ్య నాయుడు ఇవాళ హైదరాబాద్‌లో పర్యటించనున్నారు. ఆయన పర్యటన సందర్భంగా నగరంలోని పలుచోట్ల ట్రాఫిక్ ఆంక్షలు విధించనున్నట్లు తెలిపారు పోలీసులు. తార్నాకలోని ఎన్‌ఐఎన్‌లో జరగనున్న కార్యక్రమంలో పాల్గొననున్నారు.

బంజారాహిల్స్‌లోని వెంకయ్య నివాసం నుంచి బయలుదేరి జుబ్లీహిల్స్ చెక్‌పోస్టు, పంజాగుట్ట ఫ్లై ఓవర్, బేగంపేట్, రైల్‌నిలయం, మెట్టుగూడ మీదుగా తార్నాకలోని ఎన్‌ఐఎన్‌ను చేరుకుంటారు. కార్యక్రమం అనంతరం తిరిగి జుబ్లీహిల్స్‌కు చేరుకోనున్నారు.

వెంకయ్య వెళ్లే మార్గంలో ట్రాఫిక్ ఆంక్షలు కొనసాగుతాయని పోలీసులు తెలిపారు. ఉదయం ఆఫీసులకు వెళ్లేవారు ట్రాఫిక్ ఆంక్షలను గమనించి ప్రత్యామ్నాయ మార్గాలు ఎంచుకోవాలని పోలీసులు సూచించారు.