యూత్ ఓరియంటెడ్ చిత్రాల దర్శకుడు శేఖర్ కమ్ముల మరో లవ్ రొమాంటిక్ చిత్రంతో ప్రేక్షకుల ముందుకువస్తున్న సంగతి తెలిసిందే. లైఫ్ ఈజ్ బ్యూటీఫుల్, హ్యాపీ డేస్,తో యూత్‌ని ఆకట్టుకున్న శేఖర్ కమ్ముల మెగా ప్రిన్స్ వరుణ్ తేజ్ హీరోగా ఫిదా మూవీని తెరకెక్కిస్తున్నారు.వరుణ్ తేజ సరసన ప్రేమమ్ బ్యూటీ సాయి పలవి హీరోయిన్‌గా నటిస్తోంది.
తెలంగాణ అమ్మాయి పాత్ర‌లో సాయి ప‌ల్ల‌వి క‌నిపించ‌నుండ‌గా, ఇటీవ‌ల విడుద‌లైన టీజ‌ర్ లో ఈ బ్యూటీ చెప్పిన డైలాగ్స్ కి మంచి రెస్పాన్స్ వ‌చ్చింది. తాజాగా చిత్ర యూనిట్ ఫిదా మూవీ రిలీజ్ డేట్ అఫీషియ‌ల్ గా ప్ర‌క‌టించింది. జూలై 21న ఫిదా చిత్రాన్ని ప్ర‌పంచ వ్యాప్తంగా విడుద‌ల చేస్తున్న‌ట్టు తెలిపారు. వెంక‌టేశ్వ‌ర బేన‌ర్ పై దిల్ రాజు ఈ చిత్రాన్ని నిర్మిస్తున్నాడు. గ‌త చిత్రాలు మెగా హీరోకి భారీ నిరాశ‌ని మిగ‌ల్చ‌గా, ఫిదా మూవీపై భారీ ఆశ‌లు పెట్టుకున్నాడు.
