ప్రతి ఒక్కరి బాధ్యత : వందేమాతరం శ్రీనివాస్‌

రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ఇండియా ఛాలెంజ్ లో భాగంగా ప్రముఖ సంగీత దర్శకుడు, సింగర్‌ ఎం.ఎం.కీరవాణి విసిరిన ఛాలెంజ్ స్వీకరించి జూబ్లీహిల్స్ జీహెచ్‌ఎంసీ పార్క్ లో మొక్కలు నాటారు సంగీత దర్శకుడు, సింగర్‌ వందేమాతరం శ్రీనివాస్.

ఈ సందర్భంగా వందేమాతరం శ్రీనివాస్ మాట్లాడుతూ ఈ కార్యక్రమంలో పాల్గొని మొక్కలు నాటడం సంతోషంగా ఉందన్నారు. ప్రతి ఒక్కరు కూడా వ్యక్తిగత బాధ్యతగా స్వీకరించాలన్నారు. పచ్చదనం పెంపు కోసం, పర్యావరణ పరిరక్షణకై ఎంపీ సంతోష్ కుమార్ చేపట్టిన ఈ ఛాలెంజ్ ప్రతి ఒక్కరు స్వీకరించి మొక్కలు నాటాలని కోరారు.