అమెరికా అధ్యక్షుడు డొనాల్డ్ ట్రంప్ ఆర్థిక ఎజెండాకు మరోసారి న్యాయపరమైన ఆటంకం ఎదురైంది. విదేశీ దిగుమతులపై ప్రభుత్వం విధించిన 10 శాతం గ్లోబల్ టారిఫ్లు సమాంజసం కావని, అవి ఫెడరల్ చట్టాలను ఉల్లంఘిస్తున్నాయని అమెరికా అంతర్జాతీయ వాణిజ్య కోర్టు సంచలన తీర్పునిచ్చింది.
న్యూయార్క్లోని ముగ్గురు సభ్యుల ధర్మాసనం ఈ కేసులో 2-1 మెజారిటీతో తీర్పునిచ్చింది. అధికార దుర్వినియోగం: కాంగ్రెస్ అధ్యక్షుడికి కల్పించిన అధికార పరిధిని ట్రంప్ మించిపోయారని కోర్టు అభిప్రాయపడింది. ఈ టారిఫ్లు “చెల్లనివి” మరియు “చట్టవిరుద్ధమైనవి” అని పేర్కొంది. 1974 నాటి వాణిజ్య చట్టంలోని ‘సెక్షన్ 122’ను ఉటంకిస్తూ ట్రంప్ ఈ పన్నులను విధించారు. అయితే, ఆ చట్టం ప్రకారం దేశ ఆర్థిక వ్యవస్థలో తీవ్రమైన సమతుల్యత లోపం ఉన్నప్పుడు మాత్రమే ఇలాంటి చర్యలు తీసుకోవాలి. కానీ ప్రస్తుత పరిస్థితుల్లో అది వర్తించదని కోర్టు స్పష్టం చేసింది.
ఈ తీర్పు ప్రస్తుతం కేసు వేసిన ముగ్గురు ఫిర్యాదుదారులకు (వాషింగ్టన్ రాష్ట్రం, ఒక స్పైస్ కంపెనీ మరియు ఒక టాయ్ కంపెనీ) మాత్రమే వర్తిస్తుంది. మిగిలిన కంపెనీల పరిస్థితిపై ఇంకా స్పష్టత రావాల్సి ఉంది.ట్రంప్ స్పందనఈ తీర్పుపై అధ్యక్షుడు ట్రంప్ తీవ్రంగా స్పందించారు. న్యాయస్థానాలు తన విధానాలకు పదేపదే అడ్డుపడుతున్నాయని విమర్శించారు. కోర్టుల తీర్పులు నన్ను ఆశ్చర్యపరచవు. మేము ఎప్పుడూ మరో మార్గంలో మా లక్ష్యాన్ని చేరుకుంటాం అని ఆయన పేర్కొన్నారు. దీనిపై ప్రభుత్వం పైకోర్టులో అప్పీలు చేసే అవకాశం ఉంది.
Also Read:రక్తం గడ్డకట్టడం..ప్రమాదకర సంకేతాలు!
ట్రంప్ విధించిన ఈ పన్నుల వల్ల భారతదేశం కూడా గతంలో ఇబ్బందులు ఎదుర్కొంది రష్యా నుండి క్రూడ్ ఆయిల్ దిగుమతి చేసుకుంటున్నందుకు భారత్పై అదనపు పెనాల్టీ టారిఫ్లు కూడా విధించబడ్డాయి. సుప్రీంకోర్టు జోక్యంతో మరియు కొన్ని వాణిజ్య ఒప్పందాల వల్ల గతంలో 25 శాతంగా ఉన్న సుంకాలు 18 శాతానికి తగ్గాయి. ఇప్పుడు తాజా తీర్పుతో భారతీయ ఎగుమతిదారులకు కూడా కొంత ఊరట లభించే అవకాశం ఉంది.