‘నందిని నర్సింగ్ హోమ్’ చిత్రంతో కథానాయకుడిగా మంచి గుర్తింపు తెచ్చుకొన్న నవీన్ విజయ్ కృష్ణ హీరోగా బాలాజీ సానల దర్శకత్వంలో రోవాస్కైర్ ఎంటర్ టైన్మెంట్స్ బ్యానర్స్‌పై శ్రీహరి మంగళంపల్లి, రమ్య గోగుల, పి.ఎల్.ఎన్. రెడ్డి సంయుక్తంగా నిర్మిస్తోన్న చిత్రం `ఊరంతా అనుకుంటున్నారు`. సెన్సార్ కార్య‌క్ర‌మాన్ని పూర్తి చేసుకుని ఈ చిత్రం క్లీన్ `యు` స‌ర్టిఫికేట్‌ను పొందిన ఈ చిత్రం అక్టోబర్ 5న విడుద‌ల కానుంది. ఈ సందర్భంగా నిర్వహించిన ప్రీ రిలీజ్ ఈవెంట్ లో సూపర్ స్టార్ కృష్ణతో పాటు సుధీర్ బాబు మరియు చిత్ర యూనిట్ పాల్గొన్నారు.
ఈ సందర్బంగా సూపర్ స్టార్ కృష్ణ మాట్లాడుతూ…ఈ పిక్చర్ ట్రైలర్ చూశాను. నవీన్ బాగా యాక్ట్ చేసాడు. సినిమా అందరికి నచ్చుతుందని అనుకుంటున్నాను. ఈ ఊరంతా అనుకుంటున్నారు చిత్రాన్ని విజయ నిర్మాలకు అంకితం ఇవ్వడం జరుగుతుంది. నవీన్ భవిషత్తులో మరిన్ని మంచి చిత్రాల్లో నటించాలని కోరుకుంటున్నాను అన్నారు.
హీరో నవీన్ విజయ్ కృష్ణ మాట్లాడుతూ…నందిని నర్శింగ్ హోమ్ సినిమా తరువాత కొంత గ్యాప్ తీసుకుని చేస్తున్న సినిమా ఇది. డైరెక్టర్ బాలాజీ చెప్పిన పాయింట్ నచ్చి ఈ సినిమా చెయ్యడానికి ఒప్పుకున్నాను. ఫ్యామిలీ అందరూ కలిసి చూడదగ్గ సినిమా ఇది. గ్యాప్ తీసుకోకుండా వెంటవెంటనే సినిమాలు చేస్తాను. అక్టోబర్ 5న ప్రేక్షకుల ముందుకు వస్తోన్న మా సినిమా మీ అందరికి నచ్చుతుంది అన్నారు.
దిల్ రాజు మాట్లాడుతూ..ట్రైలర్, సాంగ్స్ బాగున్నాయి. సినిమా విజయం సాధించాలని కోరుకుంటున్నాను. ఈ సినిమాలో నటించిన నటీనటులందరికి బెస్ట్ విషెస్ తెలిపారు.
అవసరాల శ్రీనివాస్ మాట్లాడుతూ…నవీన్ తో వర్క్ చెయ్యడం హ్యాపీ గా అనిపించింది. డైరెక్టర్ తాను రాసుకున్న కథను అందంగా తెరకెక్కించాడు. నన్ను ఈ పాత్ర చెయ్యమని చెప్పగానే ఒప్పుకున్నాను. మంచి పాత్రతో మీ ముందుకు వస్తున్నాను అన్నారు.
డైరెక్టర్ బాలాజీ మాట్లాడుతూ…నాకు నవీన్ అయితేనే కథకు న్యాయం చెయ్యగలడు అనిపించింది. సినిమా బాగా వచ్చింది. కుటుంభం అందరూ కలిసి చూడగద్ద సినిమా ఊరట అనుకుంటున్నారు. ఈ సినిమా షూటింగ్ సమయంలో నరేష్ గారి సపోర్ట్ మరువను. మమ్మల్ని ఆశీర్వదించడానికి వచ్చిన కృష్ణ గారికి ధన్యవాదాలు తెలిపారు.
