సుదీర్ఘ కాలం తర్వాత వెండితెరపై ఖైదీ నెంబర్‌ 150 ద్వారా రీ ఎంట్రీ ఇచ్చిన చిరు. ఏమాత్రం చెక్కు చెదరకుండా అదే స్టైల్‌లో నటించాడు. అమ్మడూ.. లెట్స్‌ డు కుమ్ముడుతో టాలీవుడ్ రికార్డులను మెగాస్టార్ బ్రేక్ చేశాడు. డ్యాన్సు,యాక్షన్స్‌లతో అదరగొట్టాడు. సినిమా హిట్‌ టాక్‌తో చిరు అభిమానుల ఆనందానికి ఆవధులు లేకుండా పోయింది. తొమ్మిదేళ్ల విరామం తర్వాత మెగాస్టార్ నటించిన సినిమా టీజర్ దగ్గరి నుంచి సాంగ్స్ వరకు భారీగానే రికార్డులను బద్దలు కొట్టింది. బాస్ ఈజ్ బ్యాక్ అంటూ బాక్స్‌ఫిస్‌ నిజంగానే బద్దలు కొట్టాడు.
తాజాగా చిరు బుల్లితెరపై మరో అవతారమెత్తారు. గతంలో ఎన్నడూలేని విధంగా ‘మీలో ఎవరు కోటీశ్వరుడు’లో హోస్ట్‌గా కనిపించారు మెగాస్టార్. ఈ షో ఈనెల 13నుంచి ప్రారంభమైంది. స్టార్‌ మాటీవీలో రాత్రి 9.30నిమిషాలకు మీలో ఎవరు కోటీశ్వరుడు షో ప్రసారమవుతున్న సంగతి తెలిసిందే. అయితే చిరు అభిమానులు, బుల్లితెర ప్రేక్షకులు చిరంజీవి హోస్టింగ్‌ను బాగా ఎంజాయ్ చేస్తున్నారు. ఈషో మొదట 2014 జూన్ 9న తొలి ఎపిసోడ్ ప్రసారం అయింది. అప్పట్నుంచి మూడు సీజన్ల వరకు అక్కినేని నాగార్జున కార్యక్రమానికి హోస్ట్‌గా వ్యవహరించాడు. ఇప్పుడు ఈషోకు చిరు యాంకర్‌గా వ్యవహరిస్తున్నాడు.
అయితే మీలో ఎవరు కోటీశ్వరుడు షో పై మెగాస్టార్ కొడలు ఉపాసన స్పందించింది. ఈ సందర్భంగా చిరుపై ప్రశంసలు వర్షం కురిపించింది ఉపాసన.’కొద్ది నిమిషాల క్రితం చానెళ్లు మారుస్తూ మాటీవీ చూశాను. ఆ సందర్భంగా మామయ్య కౌన్ బనేగా కరోడ్ పతి తెలుగు వెర్షన్ కార్యక్రమానికి హోస్ట్‌గా వ్యవహరిస్తున్నారు. దాంతో నేను టీవీకి అత్తుకుపోయి చూశాను’ అని ఉపాసన ట్వీట్ చేసింది.
