టీవీ నటుడు ప్రభాకర్‌కు కరోనా..!

దాదాపు రెండు నెలల విరామం తర్వాత సినిమా,సీరియల్‌ షూటింగ్‌లు ప్రారంభమైన సంగతి తెలిసిందే. ప్రభుత్వ సూచనల ప్రకారం షూటింగ్‌లు జరుగుతుండగా ఓ సీరియల్ నటుడికి కరోనా పాజిటివ్ రావడం కలకలం రేపింది. సీరియల్ షూటింగ్‌లో పాల్గొన్న ప్రభాకర్ అనే నటుడకి కరోనా రావడం ఇందుకు సంబంధించిన వాయిస్ మెసేజ్ సోషల్ మీడియాలో వైరల్‌గా మారింది.

ప్రముఖ చానల్‌లో ప్రసారమయ్యే సీరియల్ షూటింగ్‌లో పాల్గొన్న ప్రభాకర్ జ్వరం, ఇతర లక్షణాలతో బాధపడుతుండగా అతడికి పరీక్షలు నిర్వహించగా కరోనా పాజిటివ్‌గా తేలింది. దీంతో నిర్మాతలు ఆ సీరియల్‌ షూటింగ్‌ను నిలిపివేశారు.

దీంతో యూనిట్ సభ్యులందరిని క్వారంటైన్‌కు పంపించగా ప్రభాకర్ ఇప్పటివరకు ఎవరెవరిని కలిసారనే దానిపై పోలీసులు ఆరా తీస్తున్నారు.