శ్రీ వేంకటేశ్వర స్వామి వైభవోత్సవాలు బెంగళూరులో నిర్వహించనున్నామని టీటీడీ జేఈవో సదా భార్గవి తెలిపారు. వైభోత్సవాల నిర్వహణకు సంబంధించి సోమవారం అధికారులు, నిర్వాహకులు, స్థానిక ప్రజా ప్రతినిధులతో కలసి బసవన గుడి సమీపంలోని నేషనల్ కాలేజ్ గ్రౌండ్స్ ను పరిశీలించారు.
ఈ సందర్భంగా… గ్రౌండ్ లో భక్తులకు చేయాల్సిన ఏర్పాట్లపై నిర్వాహకులు, అధికారులతో చర్చించారు. భక్తులు లోనికి రావడానికి, బయటకు వెళ్లడానికి ఏర్పాటు చేయాల్సిన మార్గాలు, పార్కింగ్, తాగు నీరు, సుమారు వేలాది మందికి సరిపడ సీటింగ్ ఏర్పాట్లకు సంబంధించిన అంశాలపై చర్చించారు.
Also Read:ఖమ్మంకు అమిత్ షా..
ఐదు రోజులపాటు శ్రీవారి ఆలయంలో జరిగే నిత్య ,వార సేవలను యథాతథంగా నిర్వహించి బెంగళూరు నగరవాసులు వీటిని చూసి తరించేలా ఏర్పాట్లు చేయనున్నట్లు ఆమె చెప్పారు. నిర్వహణ తేదీలను త్వరలోనే ప్రకటిస్తామని జేఈవో తెలిపారు.అనంతరం జేఈవో నేషనల్ కాలేజి గ్రౌండ్ సమీపంలో ఉన్న సత్య ప్రమోద, సత్య ప్రమోద అనెక్స్, వాసవి కన్వెన్షన్ హాల్ ను అర్చకుల వసతి కోసం పరిశీలించారు. వాసవి కన్వెన్షన్ హాల్ లో నిర్వాహకులు, అధికారులతో ఏర్పాట్ల పై సమీక్షించారు.
Also Read:#Nani30 ఫస్ట్ లుక్ అప్‌డేట్
