టీఎస్‌ టెట్ నోటిఫికేషన్ విడుదల..

రాష్ట్రంలో ఉపాధ్యాయ అర్హత పరీక్ష (టెట్)కు నోటిఫికేషన్ జారీ చేశారు. ఈ నెల 26 నుంచి ఏప్రిల్ 12 వరకు టెట్ దరఖాస్తులు స్వీకరిస్తారు. జూన్ 12న రాష్ట్రవ్యాప్తంగా టెట్ పరీక్ష నిర్వహించనున్నారు. ఈ మేరకు విద్యాశాఖ ప్రకటన వెల్లడించింది. ఇటీవలే సీఎం కేసీఆర్ ఉద్యోగ నియామకాలపై స్పష్టమైన ప్రకటన చేయడం తెలిసిందే. 80,039 పోస్టులను భర్తీ చేయనున్నట్లు ప్రకటించారు.

ఇక తొలి విడుత 30,453 పోస్టుల భర్తీకి ఆర్థిక శాఖ బుధవారం అనుమతులు జారీ చేసింది. ఈ క్రమంలో 13,086 ఉపాధ్యాయ పోస్టులను భర్తీ చేస్తామని విద్య శాఖ పేర్కొన్నారు. ఈ క్రమంలోనే టెట్ నిర్వహణకు విద్యాశాఖకు ప్రభుత్వం నుంచి అనుమతులు వచ్చాయి. కాగా, టెట్ పూర్తయితే టీచర్ నియామకాల ప్రకటన వచ్చే అవకాశాలున్నాయి.