అలికా జోను అభినందించిన శ్రీనివాస్‌ గౌడ్

అంతర్జాతీయ స్థాయి క్రీడాకారిణి అలికా జో ను రాష్ట్ర అబ్కారీ, క్రీడా, పర్యాటక మరియు సాంస్కృతిక శాఖ మంత్రి వి. శ్రీనివాస్ గౌడ్ అభినందించారు. అతి చిన్న వయసులో మార్షల్ ఆర్ట్స్, జిమ్మాస్టిక్ లో అంతర్జాతీయ స్థాయిలో క్రీడాకారిణి గా రాణిస్తూ అందరి ప్రశంసలు పొంది ఇండియన్ కాథలిక్ యూత్ మూవ్ మెంట్ సంస్థ ఆధ్వర్యంలో నేషనల్ యంగ్ అచివేర్స్ అవార్డు ను గెలుచుకున్న అలికా జో ను మంత్రి అభినందించారు.

భవిష్యత్ లో మరిన్ని విజయాలు సాధించాలని మంత్రి ఆకాంక్షించారు. తెలంగాణ రాష్ట్రంలో గౌరవ ముఖ్యమంత్రి కల్వకుంట్ల చంద్రశేఖరరావు నేతృత్వంలో క్రీడలను, క్రీడాకారులను ఎంతో ప్రోత్సహిస్తున్నారని మంత్రి ఈ సందర్భంగా తెలిపారు. ఈ కార్యక్రమంలో చంద్రు నాయక్, అలికా జో తల్లి గారు జోసి జోసఫ్ లు పాల్గొన్నారు.