అమెరికా కంపెనీలపై డిజిటల్ సేవల పన్ను విధించే ఏ దేశమైనా.. అమెరికాకు చేసే ఎగుమతులపై 100 శాతం టారిఫ్ ను ఎదుర్కోవలసి ఉంటుందని డొనాల్డ్ ట్రంప్ హెచ్చరించారు. ప్రముఖ అమెరికన్ సాంకేతిక (టెక్) సంస్థలపై కొత్త పన్నులు విధించాలని ఐరోపా దేశాలు ఆలోచిస్తున్న తరుణంలో ట్రంప్ ఈ హెచ్చరిక జారీ చేశారు. అమెరికా కంపెనీలు అందించే డిజిటల్ సేవలపై పన్ను విధించే ఏ దేశమైనా యునైటెడ్ స్టేట్స్కు చేసే ఎగుమతులపై 100 శాతం సుంకాన్ని ఎదుర్కోవలసి ఉంటుందని అమెరికా అధ్యక్షుడు డొనాల్డ్ ట్రంప్ హెచ్చరించారు. సోషల్ మీడియాలో చేసిన ఒక పోస్ట్లో అమెరికా కంపెనీలపై పన్నులు ప్రవేశపెట్టడానికి ఐరోపా దేశాలు తీసుకుంటున్న “తక్షణ” చర్యను ట్రంప్ విమర్శించారు. ఇటువంటి చర్యలతో ముందుకు సాగే దేశాల నుండి దిగుమతి చేసుకునే వస్తువులపై వాషింగ్టన్ వెంటనే భారీ టారిఫ్లతో ప్రతిస్పందిస్తుందని ఆయన చెప్పారు.
అలాంటి పన్నును విధించే ఏ దేశమైనా యునైటెడ్ స్టేట్స్ ఆఫ్ అమెరికాకు పంపే అన్ని వస్తువులపై వెంటనే 100 శాతం టారిఫ్ను ఎదుర్కొంటుందని ఈ ప్రకటన ద్వారా తెలియజేస్తున్నాను…ప్రతిపాదిత టారిఫ్ విధానం గతంలో చర్చలు జరిపిన ఎలాంటి వాణిజ్య ఒప్పందాలనైనా అధిగమిస్తుందని కూడా ఆయన పేర్కొన్నారు. ట్రంప్ ప్రకారం ఈ చర్య అటువంటి డిజిటల్ పన్నును ప్రవేశపెట్టే ప్రతి దేశానికి వర్తిస్తుంది.
ట్రంప్ హెచ్చరిక యునైటెడ్ స్టేట్స్ మరియు ఐరోపా మధ్య మళ్లీ వాణిజ్య ఉద్రిక్తతలు తలెత్తే అవకాశాన్ని సూచిస్తోంది. ఇంటర్నేషనల్ కంపెనీలు తాము భారీగా ఆదాయాన్ని ఆర్జించే మార్కెట్లలో పన్నులు చెల్లించేలా చూసేందుకు పలు దేశాలు డిజిటల్ సేవల పన్నుల విధింపును పరిశీలిస్తున్నాయి. ఈ సమస్య వాషింగ్టన్ మరియు పలు ఐరోపా ప్రభుత్వాల మధ్య ప్రధాన భేదాభిప్రాయంగా కొనసాగుతోంది.ఇటువంటి పన్నులు అమెరికన్ టెక్నాలజీ దిగ్గజాలను మాత్రమే అన్యాయంగా లక్ష్యంగా చేసుకుంటున్నాయని అమెరికా ప్రభుత్వాలు వాదిస్తున్నాయి.
డిజిటల్ సేవల పన్నులు సాధారణంగా ఒక దేశంలో ఆన్లైన్ ప్రకటనలు, డిజిటల్ మార్కెట్ప్లేస్లు మరియు ఇతర ఇంటర్నెట్ ఆధారిత సేవల నుండి పెద్ద టెక్నాలజీ కంపెనీలు ఆర్జించే ఆదాయంపై విధించబడతాయి. మెటా , ఆల్ఫాబెట్ , అమెజాన్ వంటి ప్రపంచంలోని అతిపెద్ద టెక్ కంపెనీలకు మాత్రమే వర్తించేలా రూపొందించబడ్డాయి. యునైటెడ్ స్టేట్స్ ఈ పన్నులను నిరంతరం వ్యతిరేకిస్తూ వస్తోంది. ఇవి అమెరికన్ సంస్థలను అన్యాయంగా ప్రభావితం చేస్తాయని వాదిస్తోంది. మరోవైపు ప్రస్తుత అంతర్జాతీయ పన్ను నిబంధనలు డిజిటల్ ఆర్థిక వ్యవస్థ వేగానికి అనుగుణంగా లేవని న్యాయమైన పన్ను విధానాన్ని నిర్ధారించడానికి వాటిని నవీకరించాల్సిన (అప్డేట్ చేయాల్సిన) అవసరం ఉందని పలు దేశాలు వాదిస్తున్నాయి.
Also Read:ప్రైమ్ వీడియోలో ‘ఇసకపట్నం’