లండన్: పట్టభద్రుల ఎమ్మెల్సీ ఎన్నికల్లో టిఆర్ఎస్ అభ్యర్థుల విజయం పట్ల ఎన్నారైలంతా హర్షం వ్యక్తం చేస్తున్నారని ఎన్నారై టిఆర్ఎస్ యూకే అధ్యక్షుడు అశోక్ గౌడ్ దూసారి తెలిపారు.ఈ విజయం సీఎం కేసీఆర్ నేతృత్వంలో జ‌రుగుతున్న రాష్ట్రాభివృద్ధికి, ప్ర‌జ‌ల సంక్షేమానికి నిదర్శనమని పట్టభద్రులు నిరూపించారని, అలాగే కేసీఆర్ రాజకీయ చతురతని ప్రపంచానికి మరొక్కసారి గుర్తుచేశారని తెలిపారు.
అధికార పార్టీపై ఎన్ని విమర్శలు చేసినా ప్రజలు మాత్రం కేసీఆర్ వెంటే ఉన్నారని నిరూపించారు. తెలంగాణ రాష్ట్రాభివృద్ధి కేసీఆర్‌తోనే సాధ్యం అవుతుందని ప్రజలు మరోసారి గుర్తు చేశారన్నారు. లాక్ డౌన్ వళ్ళ సంబరాలకు దూరంగా ఉన్నామని లేకుంటే లండన్ వీధుల్లో సంబరాలు జరుపుకొనే వాళ్ళమని అశోక్ తెలిపారు. టిఆర్ఎస్ అభ్యర్థుల గెలుపుకు కృషి చేసిన నాయకులకు, కార్యకర్తలకు, అలాగే సోషల్ మీడియా వారియర్స్ కి కృతజ్ఞతాభినందనాలు తెలియజేసారు, తెలంగాణ లో కేసీఆర్‌కు టిఆర్‌ఎస్‌కు తిరుగులేదని తెలిపారు.
