మునుగోడులో గెలిచేది టీఆర్ఎసే..

మునుగోడులో గెలిచేది టీఆర్ఎస్‌ పార్టీనే అని తెలిపారు మంత్రి జగదీశ్ రెడ్డి. మునుగోడు నియోజకవర్గ పరిధిలోని మర్రిగూడ మండలం కొండూరు గ్రామ ఉప సర్పంచ్ పాలకుర్ల జంగయ్య గౌడ్, వార్డు సభ్యులు జహంగీర్, పగడాల రాములు, రాంబాబు, ఉడుగు శ్రీను శనివారం ఉదయం హైదరాబాద్‌లో మంత్రి జగదీశ్‌ రెడ్డి సమక్షంలో టీఆర్‌ఎస్‌లో చేరారు.

దేశానికే సీఎం కేసీఆర్ నాయకత్వమే శరణ్యమని తెలిపారు. మునుగోడులో టీఆర్ఎస్ విజయం ఖాయమైందని, బీజేపీకి ఇక్కడ స్థానం లేదన్నారు. సీఎం కేసీఆర్‌ నాయకత్వంపై పెరిగిన విశ్వసనీయతకు ఇది అద్దంపడుతుందని చెప్పారు. కాంగ్రెస్ పార్టీ ఢిల్లీలో లేదని గల్లీలో రాదని ఎద్దేవా చేశారు. అందుకే గులాబీ పార్టీలోకి వలసలు కోనసాగుతున్నాయని పేర్కొన్నారు.