కాళోజీ కళాక్షేత్రాన్ని పరిశీలించిన వినోద్ కుమార్..

వరంగల్ కాళోజీ కళాక్షేత్రాన్ని పరిశీలించారు ప్రణాళిక సంఘం ఉపాధ్యక్షుడు బోయినపల్లి వినోద్ కుమార్. ప్రభుత్వ చీఫ్ విప్‌ దాస్యం వినయ్ భాస్కర్‌తో కలిసి కాళోజీ కళాక్షేత్రాన్ని పరిశీలించారు.

పనులను నాణ్యతా ప్రమాణాలతో చేపట్టాలని కాంట్రాక్టర్‌కు సూచించారు. ఈ సందర్భంగా ఆయన మాట్లాడుతూ నిధులకు కొదువ లేదు. పనులు పకడ్బందీగా చేపట్టాలన్నారు. సంవత్సరంలో పనులు చేయాలని, నాణ్యతలో తేడాలొస్తే సహించే ప్రసక్తే లేదన్నారు.ఈ కార్యక్రమంలో స్థానిక ప్రజాప్రతినిధులు, అధికారులు పాల్గొన్నారు.