కరీంనగర్ మేయర్ గా సునీల్‌రావు

కరీంనగర్ కార్పొరేషన్ మేయర్ గా సునీల్ రావు పేరును ఖరారు చేసింది టీఆర్ఎస్ అధిష్టానం. సునీల్‌రావు వరుసగా నాలుగోసారి కార్పొరేటర్ గా గెలుపొందారు. సభ్యుల ప్రమాణస్వీకారం అనంతరం మధ్యాహ్నం కరీంనగర్‌ మేయర్‌ను ఎన్నుకోనున్నారు. కరీంనగర్ కార్పొరేషన్లో మొత్తం 60 డివిజన్లకు గాను 2 డివిజన్లలో టీఆర్ఎస్ అభ్యర్దులు ఎకగ్రీవంగా ఎన్నికయ్యారు.

58డివిజన్లకు జరిగిన ఎన్నికల్లో టీఆర్ఎస్ 33 డివిజన్లలో గెలుపొందింది. ఇక ఈ ఎన్నికల్లో గెలిచిన ఏడుగురు స్వతంత్ర అభ్యర్థులు నిన్న టీఆర్‌ఎస్‌ పార్టీలో చేరారు. వీరి చేరికతో టీఆర్‌ఎస్‌ బలం 40కి చేరింది. ఈ ఎన్నికల్లో 60 స్ధానాలకు గాను టీఆర్ఎస్ 33 స్ధానాల్లో గెలుపొందగా, బీజేపీ 13, ఎంఐఎం 7, ఇండిపెండెంట్ 7గురు గెలుపొందారు.