హీరోయిన్ టబు పేరు చెప్పగానే తెలుగు వారికి ముందుగా గుర్తొచ్చేది ‘నిన్నే పెళ్లాడతా’ సినిమా. ఆ సినిమా తర్వాత నాగార్జున, టబు హాట్ ఫేవరెట్ జోడీ అయిపోయారు. అప్పట్లో వీరి మధ్య ఎఫైర్ ఉన్నట్లు కూడా వార్తొలొచ్చాయి. 45 ఏళ్ల వయసొచ్చినా ఇప్పటికీ పెళ్లి దూరంగా ఉన్న ఈ భామకు ఇప్పటికీ తెలుగు సినిమాల్లో నటించే అవకాశాలు వస్తున్నాయి. రామ్ గోపాల్ వర్మ, నాగార్జున కాంబినేషన్ లో తెరకెక్కుతున్న సినిమాలో టబు నటిస్తుందనే వార్తలు వస్తున్నాయి.
అంతే కాకుండా ఎన్టీఆర్, త్రివిక్రమ్ శ్రీనివాస్ కాంబినేషన్ లో తెరకెక్కుతున్న సినిమాలో కూడా టబు నటిస్తుందనే వార్తలు వినిపిస్తున్నాయి. అయితే ఈ సినిమాలో టబు ను ఎన్టీఆర్.. టబు విషయంలో సుముఖంగా లేనట్టు తెలుస్తోంది. సినిమాలో ఎన్టీఆర్ పాత్రతో సరి సమానంగా ఎంతో పవర్‌ఫుల్‌గా ఉండే ఆ పాత్ర కోసం టబు కాకుండా వేరొకరిని తీసుకోవాలంటూ ఎన్టీఆర్ త్రివిక్రమ్‌ని కోరాడని అంటున్నారు.
అంతేకాదు ఎన్టీఆర్ మాటమీద త్రివిక్రమ్ కూడా ఆ పాత్ర కోసం వేరే నటిని వెతికే పనిలో పడ్డారని వార్తలు వినిపిస్తున్నాయి. మొత్తానికి ఆ అవకాశం ఎవరికిస్తారనేది ఖచ్చితంగా తెలియాలంటే మరికొద్ది రోజులు పట్టొచ్చు.
