సినీ ఇండస్ట్రీలో త్రిష హాట్ టాపిక్ గా మారింది. ‘లియో’లో విజయ్ కి జోడీగా నటించిన ఈ బ్యూటీ ప్రస్తుతం సినిమా ప్రమోషన్లని జోరుగా చేస్తుంది. PS 1&2 ప్రమోషన్లలోనూ సెంటరాఫ్ అట్రాక్షన్ గా నిలిచింది త్రిష. నాలుగు పదుల వయసులోనూ గ్లామర్ ఇమేజ్ ని కంటిన్యూ చేస్తూ వరుస సినిమాలతో బిజీగా ఉండటం ఒక్క త్రిషకే చెల్లింది అంటూ ఆమె అభిమానులు పోస్ట్ లు పెడుతున్నారు. మరోవైపు త్రిష అటు ఓటీటీలోకి కూడా ఎంట్రీ ఇవ్వబోతుంది. అది కూడా ఓ బోల్డ్ వెబ్ సిరీస్ తో. తన కంటే ఇరవై ఏళ్ల చిన్న వాడితో త్రిష ప్రేమలో పడుతుందట.
ఇంతకీ, ఈ వెబ్ సిరీస్ కంటెంట్ ఏమిటంటే.. ఓ 37 ఏళ్ల టీచర్ 18 ఏళ్ల తన స్టూడెంట్ ను ఇష్టపడుతుంది. సదురు స్టూడెంట్ కూడా ఆమెను ఇష్టపడతాడు. మరి ప్రేమలో మునిగిపోయిన ఈ ఇద్దరు తమ అనైతిక ప్రేమను గెలిపించుకోవడానికి ఏం చేశారు ?, ఈ క్రమంలో జరిగిన పరిణామాలు ఏమిటి ? చివరకు వీరి జీవితాలు ఎలా మలుపు తిరిగాయి ? అనేది మిగిలిన కథ. సాధారణంగా పెద్ద రేంజ్ హీరోయిన్లు శృంగార సన్నివేశాల్లో నటించేందుకు అంత తొందరగా ఒప్పుకోరు. అలాంటి బెడ్ సీన్లకు దూరంగా ఉంటారు. కానీ, త్రిష మాత్రం ఈ సిరీస్ లో చాలా బోల్డ్ గా కనిపించబోతుంది.
పైగా, ఓ కుర్రాడితో లిప్ లాక్ లు, బెడ్ రూమ్ సీన్లు చేయబోతుంది. ఇన్నాళ్లు అందాల ఆరబోత విషయంలోనే త్రిష కాస్త మొహమాటం చూపిస్తూ వచ్చింది. కానీ, లేటు వయసులో మాత్రం తనకు ఆ మొహమాటం లేదు అన్నట్టు త్రిష తీరు ఉందట. అందుకే, త్రిష ఈ వెబ్ సిరీస్ ఒప్పుకుందట. ప్రముఖ ఓటీటీ ప్లాట్ ఫామ్ నెట్ ఫ్లిక్స్ లో ఈ సిరీస్ రాబోతుందని.. సిరీస్ లో నిండా చాలా బోల్డ్ సీన్స్ ఉన్నాయని అంటున్నారు. బికినీల్లో కనిపించడం, అందాల ఆరబోతకి త్రిష అడ్డు చెప్పదు కానీ, మరీ పరిధి దాటి 18 ఏళ్ల కుర్రాడితో త్రిష బరితెగించడం అంటే.. విశేషమే.
Also Read:రాహుల్‌కు ఓవైసీ అదిరే కౌంటర్..
