దేవి శ్రీ ప్రసాద్ తెలుగు ఇండస్ట్రీలో టాప్ సంగీత దర్శకుడు. టాప్ హీరోలు, దర్శకుల సినిమాలన్నింటికి ఎక్కువగా డిఎస్పీనే సంగీతం అందించేవారు. కానీ గత కొద్ది రోజుల నుంచి తెలుగు ఇండస్ట్రీలో దేవి శ్రీ ప్రసాద్ హవా తగ్గిపోయిందని చెప్పుకోవాలి. టాప్ దర్శకులు కూడా కొంత మంది కావాలనే ఆయనను పక్కకు పెడుతున్నారని తెలుస్తుంది. సూపర్ హిట్ మ్యూజిక్ ను అందించిన ఈ మధ్య ఆయనకు పెద్దగా అవకాశాలు రావడం లేదు.
అవసరమైతే పక్క ఇండస్ట్రీల నుంచి సంగీత దర్శకులకు పిలిపించుకుంటున్నారు. దీనంతటికి కారణం దేవి రెమ్యూనరేషన్ చాలా ఎక్కువగా తీసుకుంటాడనే వార్త ఫిలిం నగర్ లో చక్కర్లు కొడుతుంది. అంతేకాకుండా దేవి దర్శకులు చెప్పింది కాకుండా అతనికి నచ్చిన పాటలనే రాస్తున్నాడనే టాక్ ఉంది. అంతేకాదు పలువురు దర్శకులు కూడా ఆయనను దూరం పెడుతున్నారు. త్రివిక్రమ్ శ్రీనివాస్, హరీష్ శంకర్ లాంటి దర్శకులు కూడా దేవి శ్రీ ప్రసాద్ ను పక్కన పెట్టేశారు.
తాజాగా మరో దర్శకుడు కూడా దేవికి హ్యాండ్ ఇచ్చాడు. దర్శకుడు కిషోర్ తిరుమల తెరకెక్కించిన మూడు చిత్రాలకు దేవి శ్రీ ప్రసాద్ సంగీతం అందించారు. కానీ తాజాగా ఆయన రామ్ తో మరో సినిమాను చేస్తున్నారు. ఈసినిమాకు రెడ్ అనే టైటిల్ ను ప్రకటించారు. ఈమూవీకి సంగీత దర్శకుడిగా మణిశర్మను తీసుకున్నారు. ఇండస్ట్రీకి కొత్త కొత్త సంగీత దర్శకులు వస్తుండటంతో దేవి హవా తగ్గిందని చెప్పుకోవాలి.
