బుల్లితెర‌పై వ‌చ్చే కామెడీ షోల‌లో యాంక‌రింగ్ చేస్తూ త‌న‌కంటూ ప్ర‌త్యేక‌మైన గుర్తింపు తెచ్చుకున్నాడు యాంక‌ర్ ర‌వి. ఇటివ‌లే ఇది మా ప్రేమ క‌థ అనే చిత్రంతో ప్రేక్ష‌కుల ముందుకు వ‌చ్చాడు. ఈమూవీ అంత పెద్ద విజ‌యం సాధించ‌క పోవ‌డంతో ఆయ‌న‌కు అవ‌కాశాలు రాలేదు. త‌న అద్భుత‌మైన వాక్‌చాతుర్యంతో ప్ర‌స్తుతం బుల్లితెర ప్రేక్ష‌కుల‌ను అల‌రిస్తున్నాడు. టాలీవుడ్ టాప్ 5 యాంక‌ర్స్ ల‌లో ర‌వి ఉంటాడ‌ని చెప్పుకోవ‌చ్చు. అంతేకాకుండా ర‌విపై చాలా పుకార్లు వ‌చ్చేవి.
ర‌వి ప‌క్క‌న చేసే యాంక‌ర్ల‌తో ఆయ‌న‌కు సంబంధం ఉన్న‌ట్లు, వారితో ప్రేమ లో ఉన్న‌ట్లు సోష‌ల్ మీడియాలో చాలా వైర‌ల్ అయిన విష‌యం తెలిసిందే. వాట‌న్నింటికి ఆయ‌న గ‌తంలో స‌మాధానం ఇచ్చేశాడు. తాజాగా ఈపుకార్ల‌కు పుల్ స్టాప్ పెట్టేశారు ర‌వి. ర‌వి త‌న ఇన్ స్టాగ్రామ్ లో పెట్టిన ఫోటో చూసి చాలా మంది అభిమానులు ఆశ్చ‌ర్యానికి గుర‌వుతున్నారు.
త‌న భార్య కూతురుతో ఉన్న ఫోటోను షేర్ చేశాడు ర‌వి. స‌క్సెపుల్ మ్యాన్ క‌న్న ఫ్యామిలీ మ్యాన్ చాలా సంతోషంగా ఉంటాడు అని కామెంట్ పెట్టాడు. త‌న భార్య పేరు నిత్య , మూడేళ్ల పాప పేరు వియా అని చెప్పాడు. ప్ర‌స్తుతం ర‌వి ఫ్యామిలీ ఫోటో సోష‌ల్ మీడియాలో చ‌క్క‌ర్లు కొడుతుంది.
