ప్రపంచవ్యాప్తంగా రోజురోజుకి కరోనా కేసుల సంఖ్య పెరిగిపోతుంది. సామాన్యుల నుంచి సెలబ్రెటీల వరకు కరోనా భారిన పడుతున్నారు. ఇప్పటివరకు దేశంలో 5లక్షల మందికి కరోనా సోకగా మూడు లక్షల మంది కోలుకున్నారు. ఇక టాలీవుడ్ లో కరోనా బాధితుల సంఖ్య పెరిగిపోతుంది. తాజాగా ప్రముఖ యాంకర్, నటుడు, దర్శకుడు ఓంకార్ కు కరోనా సోకింది. గత రెండు రోజులుగా నీరసంగా ఉన్న ఆయన ఇవాళ ఆసుపత్రికి వెళ్లి చెకప్ చేసుకొగా కరోనా పాజిటివ్ గా నిర్ధారణ అయింది. దీంతో ఓ ప్రైవేటు ఆసుపత్రిలో చికిత్స పొందుతున్నారు.
కాగా టాలీవుడ్ లో మొదటగా ప్రముఖ నిర్మాత బండ్ల గణేశ్ కరోనా రాగా ప్రస్తుతానికి ఆయన కొలుకున్నారు. ఆతర్వాత సమంత స్నేహితురాలు, ప్రముఖ ఫ్యాషన్ డిజైనర్ శిల్పారెడ్డికి పాజిటివ్ గా నిర్ధారణ అయింది. నిన్న సీరియల్ నటుడు ప్రభాకర్ కు పాజటివ్ నిర్ధారణ కాగా నేడు ఓంకార్ కు సోకింది. వరుసగా టాలీవుడ్ లో కరోనా సోకండంతో ఆందోళనలో ఉన్నారు. కాగా ఓంకార్ ప్రస్తుతం మా టీవీలో ఓ షోకు హోస్ట్ గా వ్యవహరిస్తున్నారు.
