2022లో విడుదలై ఘన విజయం సాధించిన ‘డీజే టిల్లు’ చిత్రానికి సీక్వెల్ గా రూపొందిన చిత్రం ‘టిల్లు స్క్వేర్’. స్టార్ బాయ్ సిద్ధు జొన్నలగడ్డ, అనుపమ పరమేశ్వరన్ ప్రధాన పాత్రలు పోషించిన ఈ చిత్రానికి మల్లిక్‌ రామ్ దర్శకత్వం వహించారు. శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్‌, ఫార్చ్యూన్ ఫోర్‌ సినిమాస్ పతాకాలపై సూర్యదేవర నాగవంశీ, సాయి సౌజన్య నిర్మించారు. భారీ అంచనాలతో మార్చి 29వ తేదీన ప్రేక్షకుల ముందుకు వచ్చిన ‘టిల్లు స్క్వేర్’ సినిమా.. థియేటర్లలో నవ్వులు పూయిస్తూ కేవలం తొమ్మిది రోజుల్లోనే ప్రపంచవ్యాప్తంగా రూ.100 కోట్లకు పైగా గ్రాస్ రాబట్టి రూ.150 కోట్ల దిశగా దూసుకుపోతోంది.
తన కెరీర్ లో మొదటి 100 కోట్ల క్లబ్‌లో చేరగా యూఎస్ మార్కెట్ లో భారీ వసూళ్లు నమోదు చేసింది. స్టార్ హీరోస్ సినిమాలకు ఏమాత్రం తీసిపోకుండా ఏకంగా 3 మిలియన్ డాలర్స్ ని రాబట్టింది. నేహా శెట్టి, ప్రియాంక జవాల్కర్ కీలక పాత్రలో నటించగా అచ్చు, రామ్ మిర్యాల, భీమ్స్ సంగీతం అందించారు.
Also Read:జనగామ దళారుల దందాపై రేవంత్ ఫైర్
