అర్జెంటీనా సాకర్ స్టార్ లియోనెల్ మెస్సీ నేడు 31వ జన్మదిన వేడుకలను ఘనంగా జరుపుకున్నాడు. తన ఆటతీరుతో ప్రపంచ వ్యాప్తంగా ఎంతో మంది అభిమానులను సంపాధించుకున్నాడు మెస్సీ. ప్రస్తుతం రష్యా వేదికగా ఫిఫా ప్రపంచ కప్ పోటీలు జరుగుతున్న విషయం తెలిసిందే. ఈ సందర్భంగా ప్రపంచవ్యాప్తంగా ఉన్న మెస్సీ అభిమానులు అతని జన్మదిన వేడుకను ఘనంగా నిర్వహించారు. మేడమ్ టుస్సాడ్ లోనూ మెస్సీ మైనపు విగ్రహాన్ని ఏర్పాటు చేశారు.
ఇక మాస్యోలోని ఓ బేకరి నిర్వాహకులు మాత్రం మెస్సీపై ప్రత్యేకమైన అభిమానాన్ని చాటుకున్నారు. 7 రోజులు కష్ట పడి 60 కిలోల బరువుండే మెస్సీ చాకోలేట్ విగ్రహాన్ని తయారు చేశారు. ఐదుగురు సభ్యులు కలిసి మెస్సీ అందమైన చాకోలేట్ శిల్పానికి రూపం పోశారు.
మరోవైపు ఫిఫా ప్రపంచకప్ లో హాట్ ఫేవరేట్ గా బరిలోకి దిగిన మెస్సీ టీం.. ఆడిన రెండు మ్యాచ్ లలో ఒకటి డ్రాగా ముగించగా.. మరొక మ్యాచ్ లో 0-3 పాయింట్లతో ఘోర ఓటమిని ఎదుర్కొంది. ఇక ప్రపంచకప్ లో నిలవాలి అంటే ఈ నెల 26న అర్జెంటీనాతో జరిగే చివరి మ్యాచ్ లో ఖచ్చితంగా గెలవాల్సి ఉంటుంది. ప్రస్తుతం పాయింట్ల పట్టికలో అర్జెంటీనా ఆఖరి స్థానంలో ఉంది.
