అలరిస్తున్న’ది లయన్ కింగ్’ ట్రైల‌ర్‌..

హాలీవుడ్‌ నుండి డిస్నీ సంస్థలో తెరకెక్కిన యానిమినేష‌న్ చిత్రాలు సిండ్రెల్లా, ద జంగ‌ల్ బుక్, బ్యూటీ అండ్ ద బీస్ట్‌లు ప్రేక్ష‌కుల‌ని ఎంత‌గానో ఆక‌ట్టుకున్నాయే తెలిసిందే. అయితే ఇప్పుడు అదే సంస్థ నుండి ‘ద ల‌య‌న్ కింగ్’ అనే చిత్రం ప్రేక్ష‌కుల ముందుకు రానుంది. 1994లో వ‌చ్చిన యానిమేష‌న్ చిత్రం ద ల‌య‌న్ కింగ్‌ను అత్యాధునిక టెక్నాలజీతో తిరిగి 3డీ యానిమేష‌న్‌లో విడుద‌ల చేస్తున్నారు.

జోన్ ఫావ్రే ద‌ర్శ‌క‌త్వం వ‌హించిన ఈ చిత్రంలోని పాత్ర‌లకు హాలీవుడ్ టాప్‌ స్టార్స్ డబ్బింగ్ అందించారు. తాజాగా ఈ మూవీ ట్రైల‌ర్‌ను విడుదల చేశారు. ఈ చిత్రం వచ్చే సంవత్సరం వేసవి కానుకగా, జూలై 19న విడుదల కానున్న ఈ మూవీపై భారీ అంచ‌నాలు ఉన్నాయి. ప్రస్తుతం ఈ ట్రైల‌ర్‌ సోషల్‌ మీడియాలో వైరల్‌గా మారింది.