టాలీవుడ్‌ హీరో అక్కినేని నాగచైతన్య తాజాగా నటిస్తున్న చిత్రం ‘థ్యాంక్యూ’. ఈ సినిమా విక్రమ్ కుమార్ దర్శకత్వంలో రూపొందింది. రాశీఖన్నా హీరోయిన్‌గా న‌టిస్తోంది. విభిన్నమైన ప్రేమకథా చిత్రం ఇది. ప్రకాశ్ రాజ్ కీలక పాత్రను పోషించిన ఈ సినిమా జూలై 8వ తేదీన విడుదల చేయనున్నారు. ఈ నేపథ్యంలో ఈ సినిమా నుంచి తాజాగా టీజర్‌ను వదిలారు.ఈ కథలో చైతూ జర్నీని చూపించారు. టీనేజ్ లోను.. ఆ తరువాత.. విదేశాలకి వెళ్లిన తరువాత ఆయనకు ఎదురైన అనుభవాల నేపథ్యంలో ఈ కథ నడవనున్నట్టు తెలుస్తోంది. ఒక్కో దశలో ఒక్కో హీరోయిన్‌తో ఆయన ప్రయాణం కొనసాగుతుందనే విషయాన్ని చూపించారు. ఆ జాబితాలో రాశి ఖన్నా .. అవికా .. మాళవిక నాయర్ కనిపిస్తున్నారు.
‘లైఫ్‌లో కాంప్రమైజ్ అయ్యేదే లేదు .. ఎన్నో వదులుకుని ఇక్కడికి వచ్చాను’ అనే చైతూ డైలాగ్‌ను బట్టి చూస్తే, సీరియస్‌గా ఆయనకి ఏదో గోల్ ఉన్నట్టుగా అర్థమవుతోంది. లవ్ .. రొమాన్స్ .. ఎమోషన్ .. యాక్షన్ కి సంబంధించిన సీన్స్ పై కట్ చేసిన టీజర్ ఆసక్తిని రేకెత్తిస్తోంది. థ్యాంక్యూ చిత్రాన్ని శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై దిల్ రాజు నిర్మిస్తున్నారు. మ్యూజిక్ సెన్సేష‌న్ ఎస్ థ‌మ‌న్ సంగీతం అందిస్తున్నాడు. ఈ ప్రాజెక్టుకు బీవీఎస్ ర‌వి క‌థ‌నందించ‌గా..లెజెండ‌రీ కెమెరామెన్ పీసీ శ్రీరామ్ ఈ చిత్రానికి వ‌ర్క్ చేస్తున్నారు.
