తమిళ తలైవా త్వరలో సినిమాలకు గుడ్‌బై చెప్పనున్నారా..అవునని కోలీవుడ్‌లో గుసగుసలు వినపడుతున్నాయి. అయితే తలైవా చివరి సినిమా ఎవరితో తీస్తారు. ఎలాంటి కాన్సెప్ట్‌తో రాబోతుందని అందరూ ఎదురు చూస్తున్నారు. అయితే నిజానికి తలైవా సినిమాలకు గుడ్‌ బై చెప్పాలని అనుకుంటున్నారా లేదా అలా పుకార్లు పుట్టించారా అనే విషయం ఇంక తలైవా నోటి నుంచి రావాల్సి ఉంది.
అయితే తమిళ దర్శకుడు మిస్కిన్ ఇటీవల జరిగిన ఓ ఇంటర్వ్యూలో తలైవా సినిమా రిటైర్‌మెంట్‌ గురించి మాట్లాడారు. లోకేశ్‌ కనకరాజ్ దర్శకత్వంలో నటించాలని రజినీ ఆసక్తిగా ఉన్నారని అన్నారు. అందుకే రజినీ స్వయంగా లోకేశ్‌ను అడిగారని చెప్పుకొచ్చారు. బహుశా ఇదే రజినీకాంత్‌కు చివరి సినిమా కావొచ్చు అని అన్నారు. అయితే ప్రస్తుతం మిస్కిన్ చేసిన ఈవ్యాఖ్యలు సినీరంగంలో చర్చనీయాంశంగా మారాయి. గతంలో కూడా తలైవా పై ఇలాంటి వార్తలు వచ్చాయి. బాబా సినిమా తర్వాత సినిమాలకు గుడ్‌బై చెబుతున్నట్టు ప్రచారం సాగింది. కానీ 2005లో చంద్రముఖి ద్వారా మంచి కంబ్యాక్ ఇచ్చిన తలైవా వరుసగా తెలుగు తమిళ హిందీ ప్రేక్షకులను అలరిస్తున్నారు. కాగా మిస్కిన్ వ్యాఖ్యలతో మరోసారి రజినీ చివరి సినిమా గురించి మళ్లీ చర్చలు మొదలయ్యాయి.
Also Read: కంగనా జీవితానికి అది చాలు అట
ప్రస్తుతం తలైవా జైలర్ సినిమాతో ప్రేక్షకుల ముందుకు రానున్నారు. అలాగే లాల్‌ సలాం అనే సినిమాలో నటిస్తున్నారు. ఈ సినిమాల తర్వాత లోకేశ్‌తో సినిమాకు రెడీ అవుతున్నారు. ఏడు పదుల వయసులో కుర్రహీరోలతో పోటి పడి నటిస్తున్న తలైవా యువతరానికి ఆదర్శంగా నిలుస్తున్నారు.
Also Read: కన్నడ సాహిత్యానికే వన్నెలద్దిన గిరీష్ కర్నాడ్‌..
