తెలంగాణ వెదర్ అప్‌డేట్..

తెలంగాణ రాష్ట్రంలో రాగల మూడురోజుల వరకు వాతావరణ సూచనను తెలిపింది హైదరాబాద్ వాతావరణ కేంద్రం. ప్రధానంగా తక్కువ ఎత్తులో ఉత్తర దిశ నుండి గాలులు తెలంగాణా రాష్ట్రంలోకి వీస్తున్నవి…ఫలితంగా రాష్ట్రంలో రాగల మూడు రోజులు పొడి వాతావరణం ఏర్పడే అవకాశం ఉంది.

ఈ నెల 3,4 తేదీలలో గరిష్ట ఉష్ణోగ్రతలు ఒకటి రెండు ప్రదేశాలలో సాధారణం కన్నా 2 నుండి 3 డిగ్రీలు సెల్సియస్ పెరిగే అవకాశం ఉంది.

జిల్లాలో ఒకటి రెండు ప్రదేశాలలో వడ గాలులు వీచే అవకాశములు ఉన్నాయి.భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబ్ నగర్ మరియు నాగర్ కర్నూల్‌లో వడగాలులు వీచే అవకాశముందని తెలిపింది.