తెలంగాణలోని కొందరి కోసం రాష్ట్రాన్ని ఇబ్బంది పెట్టి, ఒడిదుడుకులు సృష్టించే ప్రయత్నం చేస్తున్నారని ఎమ్మెల్సీ కల్వకుంట్ల కవిత విమర్శించారు. బాలాపూర్ గణనాథుని దర్శించుకున్న ఎమ్మెల్సీ కవిత ఈ సందర్భంగా ప్రత్యేక పూజలు నిర్వహించారు. అనంతరం మాట్లాడుతూ, రాష్ట్రానికి ఆదాయం రాకుండా చేయాలని, ప్రజలకు అందుతున్న సంక్షేమ పథకాలను ఆపాలని కొందరు ప్రయత్నిస్తున్నారని ఎమ్మెల్సీ కవిత మండిపడ్డారు. భారతదేశంలో తెలంగాణ నెంబర్ వన్ స్థానంలో ఉండాలని, ఆ వినాయకుని దయవల్ల రాష్ట్రంలో జరుగుతున్న అభివృద్ధి నిరంతరాయంగా జరగాలని ఎమ్మెల్సీ కవిత ఆకాంక్షించారు. ఎమ్మెల్సీ కవిత వెంట మాజీ ఎమ్మెల్యే తీగల కృష్ణారెడ్డి, టీయస్ ఫుడ్స్ చైర్మన్ రాజీవ్ సాగర్, టీఆర్ఎస్ పార్టీ రాష్ట్ర నాయకులు పటోల కార్తీక్ రెడ్డి, టిఆర్ఎస్ పార్టీ నాయకులు ఉన్నారు.
ఆస్ట్రేలియా టీఆర్ఎస్ శాఖ అధ్యక్షుడిగా కాసర్ల నాగేందర్ రెడ్డి
2016లో ఆస్ట్రేలియాలో టీఆర్ఎస్ శాఖను స్థాపించి మొదటి సారి అధ్యక్షుడిగా ఎన్నికై , పార్టీ ని ఆస్ట్రేలియా వ్యాప్తంగా అన్ని రాష్ట్రాలలో స్థాపించి, టీఆర్ఎస్ అభివృద్ధికి కృషి చేస్తున్న కాసర్ల నాగేందర్ రెడ్డి ని మూడో సారి అధ్యక్షుడి గా టీఆర్ఎస్ ఎన్నారై కో ఆర్డినేటర్ మహేష్ బిగాల నియమించారు. ఈరోజు ఎమ్మెల్సీ కవిత, కాసర్ల సురేందర్ రెడ్డికి శుభాకాంక్షలు తెలియజేశారు.
జాతీయ వాలీబాల్ ఆటగాడు మహేష్ కు ఎమ్మెల్సీ కవిత ఆర్థిక సాయం
ఆస్ట్రేలియా లో జరగ‌నున్న బీచ్ పారావాలీ నేషనల్ సిరీస్ లో పాల్గొనే భారత జట్టుకు ఎంపికైన టీఆర్ఎస్ కార్యకర్త, తెలంగాణ ఆటగాడు మహేష్ ను ఎమ్మెల్సీ కవిత అభినందించారు. హైదరాబాద్ లోని నివాసంలో మహేష్ కు, ఎమ్మెల్సీ కవిత లక్ష రూపాయల ఆర్థిక సాయం అందించారు. ఆస్ట్రేలియాలోని కాన్ బెర్రాలో సెప్టెంబరు 16-20 న జరిగే టోర్నమెంట్ లో మహేష్ పాల్గొననున్నాడు
