సినీ నటుడు నాజర్‌కు గాయాలు!

బాహుబలి బీజ్జలదేవుడి క్యారక్టెర్‌ చేసిన ప్రముఖ సినీ నటుడు నాజర్‌ తాజాగా నటిస్తోన్న ఓ సినిమా షూటింగ్‌లో ప్రమాదం జరిగింది. హైదరాబాద్‌లోని పోలీస్‌ అకాడమీలో సినిమా షూటింగ్‌ కొనసాగుతుండగా జరిగిన ప్రమాదంలో నాజర్‌కు గాయాలయ్యాయి. నాజర్‌ మెట్లు దిగుతున్న సమయంలో జారి కింద పడటంతో గాయాలైనట్లు చిత్ర యూనిట్‌ తెలిపింది.

నాజ‌ర్‌తో పాటు సుహాసిని, మెహ‌రీన్‌, షాయాజీ షిండే షూటింగ్‌లో పాల్గొంటున్న‌ట్టు స‌మాచారం. ఈ ఘ‌ట‌న‌కు సంబంధించిన పూర్తి వివ‌రాలు తెలియాల్సి ఉంది. త‌మిళం తెలుగు హిందీతోపాటు వివిధ భాష‌ల్లో ఎన్నో చిత్రాల్లో న‌టించిన నాజ‌ర్‌… త్వ‌ర‌గా కోలుకోవాల‌ని ప్రేక్ష‌కులు, అభిమానులు ఆకాంక్షిస్తున్నారు.