బుల్లితెర రియాల్టీ షో బిగ్ బాస్ కు ప్రేక్షకుల మంచి ఆదరణ లభిస్తోంది. తెలుగులో మూడవ సీజన్ ప్రారంభమై ఇప్పటికే మూడు వారాలు పూర్తి చేసుకుంది. మొదట్లో మొత్తం 15 కంటెస్టెంట్లు హౌస్ లోకి ఎంట్రీ ఇవ్వగా మొదటి వారం నటి హేమ ఎలిమినెట్ అయిన సంగతి తెలిసిందే. ఇక రెండవ వారంలో ప్రముఖ యాంకర్ జాఫర్ ఎలిమినెట్ అయ్యారు. ఇక మూడవ ఎలిమినేటర్ ఎవరా అనేది ఉత్కంఠగా మారింది.
మూడవ వారం నామినేషన్ లో బాబా భాస్కర్, వితిక, పునర్ణవి, రాహుల్ , తమన్నాలు ఉన్నారు. వీరిలో నుంచి ఈవారంలో ఎవరు బయటకు వెళ్లనున్నారో ఇవాళ తెలియనుంది. అయితే తాజాగా ఉన్న సమాచారం మేరకు మూడవ వారంలో ట్రాన్స్ జెండర్ తమన్నా ఎలిమినెట్ అయినట్లుగా సోషల్ మీడియాలో ప్రచారం జరుగుతుంది.
తమన్నా ప్రవర్తన ఎవరికి నచ్చకపోవడంతో ఆమెకు ఓట్లు వేయడానికి ప్రేక్షకులు ఎక్కువగా ఆసక్తి చూపించలేదని సమాచారం. హౌస్ లోకి వచ్చినప్పటి నుంచి అందరితోనూ గొడవలు పెట్టుకుంటూనే ఉంది. దీంతో ఆమెను బయటకు పంపించాలని మిగతా కంటెస్టెంట్లు భావించినట్టు తెలుస్తోంది. తమన్నాను ఎలిమినేట్ చేయాలని భారీగా ఓట్లు వచ్చినట్టు సమాచారం.
