స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ కాంబినేషన్ లో హ్యాట్రిక్ చిత్రం రాబోతున్న సంగతి తెలిసిందే. అల్లు అరవింద్, రాధాకృష సంయుక్తంగా ఈ చిత్రాన్ని నిర్మిస్తుండగా త్వరలోనే సినిమా సెట్స్‌ పైకి వెళ్లనుంది. ఓ వైపు సినిమా కథపై తీవ్ర కసరత్తు చేస్తూనే పాత్రల ఎంపికపై దృష్టిసారించారు త్రివిక్రమ్.
నిన్నే పెళ్లాడతా, పాండురంగడు లాంటి చిత్రాలతో టాలీవుడ్‌లో ఫ్యాన్స్‌ను సంపాదించుకున్న టబు .. త్రివిక్రమ్, బన్నీ చిత్రంలో నటించే అవకాశాలు ఉన్నట్లు వార్తలు వస్తున్నాయి. బన్నీకి తల్లిగా టబు కోసం ఓ పాత్రను క్రియేట్ చేస్తున్నారట మాటల మాంత్రికుడు. ఇందుకోసం చిత్ర యూనిట్ టబుతో సంప్రదింపులు జరుపుతున్నట్లు సమాచారం.
వాస్తవానికి ఎన్టీఆర్ అరవింద సమేత లో టబు కోసం ఓ రోల్ సిద్ధం చేశారట త్రివిక్రమ్. అయితే అనుకోని కారణాల వల్ల ఆ సినిమాలో టబు నటించలేదు. ఈ నేపథ్యంలో తాజాగా అల్లు అర్జున్ సినిమాలో ఓ పాత్ర కోసం త్రివిక్రమ్ మళ్ళీ టబును సంప్రదింపులు జరుపుతున్నట్లు సమాచారం. తెలుగులో నాగార్జున,వెంకటేష్ సరసన హీరోయిన్ గా నటించిన టబు తర్వాత బాలయ్య, చిరు పక్కన భార్య పాత్రల్లో నటించింది. అలాగే బాలయ్యకి చెన్నకేశవరెడ్డి సినిమాలో తల్లిగా, అందరివాడు సినిమాలో చిరు భార్యగా, తల్లిగా అదరగొట్టేసింది. ఈ నేపథ్యంలో బన్నీకి తల్లిగా టబును సెలక్ట్ చేసుకున్నారట త్రివిక్రమ్. మరి త్రివిక్రమ్ సినిమాతో టబు టాలీవుడ్‌కి రీ ఎంట్రీ ఇస్తుందా లేదా వేచిచూడాలి.
