ఆసీస్ వేదికగా టీ20 వరల్డ్ కప్‌ ఇవాళ ప్రారంభం కానుంది. తొలి మ్యాచ్‌లో నమీబియాతో శ్రీలంక తలపడనుంది. మొత్తం పదహారు జట్లు బరిలో నిలవగా ఈ మెగా టోర్నీ కోసం అభిమానులు ఆసక్తిగా ఎదురుచూస్తున్నారు.
గత ఎడిషన్‌ ఫార్మాట్నే ఈసారి కొనసాగిస్తున్నారు. ర్యాంకింగ్స్ ప్రకారం అఫ్గానిస్తాన్‌, ఆస్ట్రేలియా, బంగ్లాదేశ్, ఇంగ్లండ్‌, ఇండియా, పాకిస్తాన్‌, న్యూజిలాండ్‌, సౌతాఫ్రికా నేరుగా సూపర్ 12 బెర్తు దక్కించుకున్నాయి.
శ్రీలంక, నెదర్లాండ్స్, యూఏఈ, నమీడియా (గ్రూప్–ఎ), వెస్టిండీస్‌, ఐర్లాండ్, స్కాట్లాండ్, జింబాబ్వే (గ్రూప్–బి) ఆదివారం మొదలయ్యే తొలి దశలో పోటీ పడుతాయి. ప్రతీ గ్రూప్ నుంచి రెండేసి సూపర్ 12 క్వాలిఫై అవుతాయి. వచ్చే శనివారం మొదలయ్యే సూపర్ 12లో జట్లను మళ్లీ రెండు గ్రూప్లుగా విభజించారు. ప్రతీ జట్టు తన గ్రూప్‌లోని మిగతా ప్రత్యర్థులతో ఒక్కో మ్యాచ్‌ ఆడుతుంది. అలా రెండు గ్రూపుల్లో టాప్‌2లో నిలిచిన జట్లు సెమీస్‌కు క్వాలిఫై అవుతాయి. నవంబర్‌ 13 ఎంసీజీలో జరిగే మెగా ఫైనల్‌తో టోర్నీ ముగియనుంది.
