మెగా స్టార్ చిరంజీవి ప్రధాన పాత్రలో నటించిన చిత్రం సైరా నరసింహారెడ్డి. స్వాతంత్ర్య సమరయోధుడు ఉయ్యాలవాడ నరసింహరెడ్డి జీవిత కథ ఆధారంగా ఈసినిమాను తెరకెక్కించారు. ఈమూవీకి ప్రముఖ దర్శకుడు సురెందర్ రెడ్డి దర్శకత్వం వహించగా మెగా పవర్ స్టార్ రామ్ చరణ్ కొణిదెల ప్రొడక్షన్ కంపెనీ బ్యానర్ పై నిర్మించారు.
అక్టోబర్ 2న ప్రపంచవ్యాప్తంగా ఈసినిమాను విడుదల చేయనున్నారు. ఈసందర్భంగా నిన్న సాయంత్రం ఈసినిమా ట్రైలర్ ను విడుదల చేశారు చిత్ర నిర్మాత రామ్ చరణ్. ఇక ఈట్రైలర్ సోషల్ మీడియాలో ట్రెండింగ్ గా మారిపోయింది. విడుదలైన 14గంటల్లోనే 4మిలియన్ల వ్యూస్ తో దూసుకుపోతుంది. ఈట్రైలర్ కు ప్రేక్షకుల నుంచి అద్భుతమైన స్పందన వస్తోంది.
భారీ బడ్జెట్ తో తెరకెక్కిన ఈచిత్రంపై భారీగా అంచనాలున్నాయి. బిగ్ బి అమితాబ్ ఈమూవీకి కీలక పాత్రలో నటించారు. విజయ్ సేతుపతి, కిచ్చ సుదీప్ , నయనతార, తమన్నా, నిహారిక ఈమూవీలో ముఖ్య పాత్రోల్లో నటించారు. ఈనెల 22న హైదరాబాద్ లోని ఎల్బీ స్టేడియంలో ఈమూవీ ప్రీ రిలీజ్ ఈవెంట్ ను నిర్వహించనున్నారు. ఈ వేడుకకు సల్మాన్ ఖాన్, మోహన్ లాల్, అమితాబ్, రజనీకాంత్, కమల్ హాసన్ తో పాటు పలువురు హాజరుకానున్నట్లు సమాచారం.
