‘సైరా’ సౌండ్స్‌ రెహమాన్‌వి కావట..

చిరంజీవి 151 మూవీ ‘సైరా నరసింహారెడ్డి’ ప్రాజెక్ట్‌లో యువ సంగీత దర్శకుడు థమన్‌ కూడా ఓ చేయివేశాడు. రామ్ చరణ్, అల్లు అర్జున్, సాయి ధరం తేజ్ సినిమాలకు థమన్‌ పని చేశాడు. అంతేకాదు.. చిరంజీవి గెస్ట్ రోల్ చేసిన ‘బ్రూస్ లీ’ సినిమాలో చిరు ఎంట్రీకు అదిరిపోయే రీరికార్డింగ్ అందించాడు తమన్‌. చిరు హోస్ట్ చేసిన షో ‘మీలో ఎవరు కోటీశ్వరుడు’ ప్రోమోకు కూడా థమన్‌సంగీతం అందించాడు.

చిరంజీవి 150వ సినిమా సమయంలో కూడా థమన్‌ పేరు బాగానే వినిపించింది. అయితే చిరు 151వ సినిమాకు మాత్రం థమన్‌ పక్కా అనే మాటలు వినిపించాయి. చిరంజీవి కూడా థమన్‌ విషయంలో సముఖంగానే ఉన్నారు. కానీ తమన్‌కు ఆ అవకాశం తప్పిపోయింది.

సురేందర్ రెడ్డి డైరెక్ట్ చేస్తోన్న చిరు 151వ సినిమా ‘సై.. రా’ చిత్రానికి మ్యూజిక్ డైరెక్టర్‌గా ఏ.ఆర్.రెహ్మాన్‌ను కన్ఫర్మ్ చేశారు. అయితే చిరు పుట్టినరోజు సదర్భంగా విడుదల చేసిన మోషన్ పోస్టర్‌కు మాత్రం బ్యాక్ గ్రౌండ్ స్కోర్ అందించింది నేనే అంటూ థమన్‌ ట్విట్టర్‌ ద్వారా తెలిపారు.

అయితే ప్రతిష్టాత్మకంగా భారీహంగులతో తెరకెక్కుతున్న ‘సైరా’ మూవీకి జాతీయ స్థాయిలో గుర్తింపు రావాలంటే.. రెహ్మాన్ వంటి సంగీత దర్శకులు తప్పని సరి అని మేకర్స్ భావించడంతో థమన్‌ను తప్పించి రెహ్మాన్‌ను రంగంలోకి దింపారు. అయితే తమన్ మాత్రం మోషన్ పోస్టర్‌కు అందించిన ఆర్.ఆర్‌తో మెగాభిమానుల మనసులు దోచుకున్నాడు.