నటుడు నిఖిల్ సిద్ధార్థ నటిస్తున్న పీరియడ్ వార్ యాక్షన్ డ్రామా ‘స్వయంభూ’ మరోసారి వార్తల్లో నిలిచింది. ఈరోజు మేకర్స్ అధికారికంగా సినిమా విడుదల తేదీని ప్రకటించారు. ఈ చిత్రం ద్వారా భరత్ కృష్ణమాచారి దర్శకుడిగా పరిచయమవుతున్నారు. ఈ సినిమాను 2026, ఫిబ్రవరి 13న ప్రపంచవ్యాప్తంగా గ్రాండ్గా విడుదల చేయనున్నారు. చైనీస్, స్పానిష్, అరబిక్ వంటి పలు భాషల్లో కూడా ఈ చిత్రం విడుదల కానుంది. త్వరలో సినిమా ప్రమోషన్ కార్యక్రమాలు ప్రారంభం కానున్నాయి.
ఈ సినిమాలో సంయుక్త మరియు నభా నటేష్ కథానాయికలుగా నటిస్తున్నారు. భువన్, శ్రీకర్ ‘పిక్సెల్ స్టూడియోస్’ పతాకంపై ఈ ప్రాజెక్ట్ను భారీ స్థాయిలో నిర్మిస్తున్నారు, ఠాగూర్ మధు సమర్పిస్తున్నారు.
కె.కె. సెంథిల్ కుమార్ సినిమాటోగ్రఫీని రవి బస్రూర్ సంగీతాన్ని అందిస్తున్నారు. ఎం. ప్రభాహరణ్ మరియు రవీంద్ర ప్రొడక్షన్ డిజైన్ను పర్యవేక్షిస్తున్నారు. ఈ చిత్రం ప్రేక్షకులకు ఒక శక్తివంతమైన, దృశ్యపరంగా గొప్ప అనుభూతిని అందించే లక్ష్యంతో రూపొందుతోంది.
Also Read:ఒక్క మెసేజ్..iBOMMA రవి గుట్టురట్టు!