సూపర్ స్టార్ మహేష్ బాబు తాజా చిత్రం భరత్ అనే నేను సినిమాను చేస్తున్న సంగతి తెలిసిందే. ఈ చిత్రాన్ని ఈ నెల 20న భారీ స్థాయిలో విడుదల చేయనున్నారు. ఇప్పటికే ట్రైలర్ , సాంగ్స్ ఈ సినిమాపై హైప్ క్రియేట్ చేశాయి. ఇటీవలె ఈ సినిమా ఆడియో భారీ స్థాయిలో వేడుక జరిగినప్పటినుంచి ఈ చిత్రంపై ఒక్కసారిగా అంచనాలు పెరిగిపోయాయి. మహేష్ అభిమానులు భరత్ రిలీజ్ కోసం ఎదురుచూస్తున్నారట.
మహేష్ రెండు పరాజయాల తర్వాత వస్తున్న చిత్రం భరత్ అనే నేను. ఈ మూవీ మహేష్కి ఖచ్చితంగా విజయం అందించాల్సిన చిత్రం. కావున మహేష్ ఈ చిత్రంపై ప్రత్యేక శ్రద్ధ తీసుకున్నారు. ఈ సినిమా అవుట్ పుట్ పట్ల మహేష్ పూర్తి సంతృప్తిగా ఉన్నాడట. ఈ సినిమా కోసం కష్టపడి.. మంచి అవుట్ పుట్ అందించిన డైరెక్షన్ టీమ్ను అభినందించారట మహేష్. అంతేకాకుండా ఆ టీమ్ మొత్తానికి ఐ ఫోన్ X కానుకలుగా ఇచ్చాడట. గతంలో కొరటాల శివ శ్రీమంతుడు ఇచ్చిన హిట్కు కానుకగా ఖరీదైన కారును కానుకగా ఇచ్చిన సంగతి తెలిసిందే. మళ్లీ ఆయన దర్శకత్వంలో చేస్తున్న ద్వితీయ చిత్రం భరత్ అనే నేను కూడా మంచి హిట్ అయితే కొరటాల శివకు మహేష్ ఏం కానుకగా ఇస్తాడో చూడాలి మరీ.
