కన్నడ సూపర్ స్టార్ కిచ్చా సుదీప్, మడోన్నా సెబీస్టియన్ హీరోహీరోయిన్లుగా నటంచిన చిత్రం కోటిగొబ్బ 3. శ్రద్దా దాస్ కీలక పాత్రలో నటించిన ఈ చిత్రాన్ని కన్నడలో అత్యధిక బడ్జెట్‌లో ఎంబీ బాబు నిర్మించారు. శివ కార్తీక్ దర్శకత్వం వహించగా, అర్జున్ జన్య సంగీతం అందించారు. ఇప్పటికే కన్నడలో రిలీజ్ అయిన టీజర్, సాంగ్స్ సూపర్ హిట్ అవడంతో సినిమాపై భారీ అంచనాలను నెలకొని ఉన్నాయి.
తాజాగా రిలీజ్ డేట్‌ని లాక్ చేశారు మేకర్స్. జూన్ 17న సినిమా ప్రపంచవ్యాప్తంగా ప్రేక్షకుల ముందుకురానుంది. హై ఎక్సపెక్టషన్స్ ఉన్న కోటిగోబ్బ 3 చిత్రం తెలుగు డబ్బింగ్ రైట్స్ మరియు ఓవర్సీస్ (FMS) రైట్స్ ని శ్రేయస్ మీడియా అనుసంధానిత సంస్థ గుడ్ సినిమా గ్రూప్ ఫ్యాన్సీ అమౌంట్ చెల్లించి రైట్స్ దక్కించుకుంది. ఈ చిత్రాన్ని తెలుగులో K3 కోటికొక్కడు అనే టైటిల్‌తో, స్పందన పాసం, శ్వేతన్ రెడ్డి సమర్పణలో దేవేందర్ డీకే మరియు గుడ్ ఫ్రెండ్స్ సంయుక్తంగా తెలుగు ప్రేక్షకులకు అందించనున్నారు.
