గ్రీన్ ఛాలెంజ్‌లో మొక్కలు నాటిన సుద్దాల అశోక్ తేజ..

రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్‌లో భాగంగా ప్రముఖ కవి,సినీ గేయ రచయిత సుద్దాల అశోక్ తేజ హైదరాబాద్ శ్రీ నగర్ కాలనీలో మొక్కల నాటారు. ఈ సందర్భంగా ఆయన మాట్లాడుతూ.. ఎంపీ సంతోష్ కుమార్ గ్రీన్ ఇండియా ఛాలెంజ్‌ను అద్భుతంగా కొనసాగిస్తున్నారని కొనియాడారు.

ఈ సందర్భంగా ఎంపీ సంతోష్ కుమార్‌కు ఆకుపచ్చ చందమామగా అభివర్ణించారు. ఈ కార్యక్రమం మరింత విజయం సాధించాలని ఆల్ ద బెస్ట్ చెప్పారు.తాను రాసిన ”నేను అడవిని మాట్లాడుతున్నాను” వచన రూప కవిత్వం పుస్తకాన్ని ఎంపీ సంతోష్ కుమార్‌కు బహుమతిగా పంపారు.