 2026){kind=link}
చెన్నై సూపర్ కింగ్స్ కెప్టెన్ రుతురాజ్ గైక్వాడ్కు ఆ జట్టు ప్రధాన కోచ్ స్టీఫెన్ ఫ్లెమింగ్ పూర్తి మద్దతుగా నిలిచారు. అయితే ఇండియన్ ప్రీమియర్ లీగ్ (IPL) 2026 సీజన్లో అతని ఆశించిన స్థాయి కంటే తక్కువ ప్రదర్శనపై స్పందిస్తూ.. రుతురాజ్ ఇంకా మెరుగ్గా రాణించగలడు అని ఫ్లెమింగ్ అభిప్రాయపడ్డారు. రుతురాజ్ ఇంకా మెరుగ్గా ఆడగలడని నేను భావిస్తున్నాను అని ఫ్లెమింగ్ చెప్పారు. గతంలో అతను అద్భుతమైన ఇన్నింగ్స్లు ఆడాడు. టాప్ ఆర్డర్లో అతను అత్యుత్తమ ఆటగాడు. అయితే ఈ సీజన్లో అతను తన కెరీర్ స్థాయికి తగ్గ పరుగులు కానీ, ఆ వేగాన్ని (స్ట్రైక్ రేట్) కానీ అందుకోలేకపోయాడు. దీనిపై అతను ఖచ్చితంగా దృష్టి పెడతాడు అన్నారు.
గత సీజన్లో మోచేతి గాయం కారణంగా సగం మ్యాచ్లకు దూరమైన గైక్వాడ్, ఈసారి పూర్తి సీజన్ అందుబాటులో ఉన్నాడు. గత ఏడాది అతను అసలు లేడు, కానీ ఈ ఏడాది కనీసం పూర్తి సమయం జట్టుతో ఉన్నాడు అని ఫ్లెమింగ్ అన్నారు. కాబట్టి ఇప్పుడే ఒక అంచనాకు రావడం తప్పు అవుతుంది. ఈ కొత్త ఆటగాళ్ల బృందం గురించి తెలుసుకునే క్రమంలో తెరవెనుక చాలా కసరత్తులు జరుగుతున్నాయి అన్నారు.
Also Read:IPL:ప్లేఆఫ్స్ రేస్..హోరాహోరీ!
క్రికెట్ ప్రపంచంలోనే అత్యుత్తమ కెప్టెన్లలో ఒకరైన ఎమ్.ఎస్. ధోని సుదీర్ఘకాలం నడిపించిన ఫ్రాంచైజీ బాధ్యతలను కొత్త కెప్టెన్కు అప్పగించడం అనేది ఒక పెద్ద మార్పు అని… దీనికి కొంత సమయం పడుతుందని ఫ్లెమింగ్ పేర్కొన్నారు. ఇది చాలా పెద్ద మార్పు, కాబట్టి కొంచెం సమయం పడుతుంది. కానీ అతను మంచి పనితీరు కనబరుస్తున్నాడు. జట్టులోని ఆటగాళ్లపై అతనికి ఎంతో గౌరవం ఉంది. అతను నిరంతరం నేర్చుకుంటూ, దానిని మైదానంలో అమలు చేస్తున్నాడు. భవిష్యత్తులో అతను ఈ ఫ్రాంచైజీకి అత్యుత్తమ కెప్టెన్ అవుతాడనడంలో నాకు ఎలాంటి సందేహం లేదు అన్నారు ఫ్లెమింగ్.