సూప‌ర్‌స్టార్ మహేష్ బాబు, స్టార్ డైరెక్టర్ త్రివిక్రమ్ ల హ్యాట్రిక్ కాంబినేషన్లో సినిమా తెరకెక్కుతున్న సంగతి తెలిసిందే. మమత సమర్పణలో టాలీవుడ్ అగ్ర చిత్ర నిర్మాణ సంస్థ హారిక అండ్ హాసిని క్రియేషన్స్ అధినేత సూర్య‌దేవ‌ర రాధా కృష్ణ (చిన‌బాబు) నిర్మిస్తున్న భారీ బడ్జెట్‌తో నిర్మిస్తుండగా మహేష్ సరసన పూజా హెగ్డే హీరోయిన్‌గా నటిస్తోంది.
మహేష్ కెరీర్‌లో ఇది 28వ సినిమా కాగా ఈ సినిమా కథ కోసం ఇద్దరు స్టార్ యాక్టర్స్‌ను బరిలోకి దింపబోతున్నట్లు తెలుస్తోంది. కన్నడ స్టార్ ఉపేంద్రతో పాటు, తమిళ నటుడు విజయ్ సేతుపతి కూడా ఈ సినిమాలో నటించనున్నాడట. ఇప్పటికే వీరిద్దరికీ త్రివిక్రమ్ కథను కూడా వినిపించాడని చిత్రపురిలో టాక్. ఇక ఈ సినిమాలో ఉపేంద్ర చేయబోయేది ఓ కీలక పాత్ర అని.. అది చాలా పవర్‌ఫుల్‌గా ఉంటుందని తెలుస్తోంది.
మహేష్ బాబు, త్రివిక్రమ్ ల కాంబినేషన్లో వ‌చ్చిన అత‌డు, ఖ‌లేజా దశాబ్ద కాలానికి పైగా నేటికీ ప్రేక్ష‌కుల్ని, అభిమానుల్ని అల‌రిస్తూనే ఉన్నాయి. దశాబ్ద కాలానికి పైగా ఎదురు చూస్తున్న ఈ క్రేజీ కాంబినేష‌న్‌ మళ్లీ వస్తుండటంతో అభిమానుల ఆనందానికి అవధుల్లేకుండా పోయాయి.
