టాలీవుడ్‌లో స్టార్‌ హీరోలు ఎన్టీఆర్ అభిమానులు, రామ్‌చరణ్‌ అభిమానులు ఎప్పుడెప్పుడా అని ఎదురు చూస్తున్న రాజమౌళి ‘ఆర్ ఆర్ ఆర్’ మూవీ ప్రారంభానికి ముహూర్తం ఫిక్స్ అయింది. దీనికి సంబంధించినఓ వీడియోను డివివి ఎంటర్టైన్మెంట్ విడుదల చేసింది. ఈ నెల 11న ఉదయం 11 గంటలకు ఈ మల్టీస్టారర్ మూవీని ప్రారంభించబోతున్నట్లు తెలిపింది.11 11 11-R R R అనే సందేశంతో 34 సెకండ్ల వీడియోను విడుదల చేసింది డివివి ఎంటర్టైన్మెంట్. ఈ సినిమానుతెలుగు తమిళ హిందీ భాషల ప్రేక్షకులకు సులువుగా కనెక్ట్ అయ్యేలా ఉంటుందని సమాచారం. ‘ఆర్ ఆర్ ఆర్’ కథకు సంబంధించిన స్టోరీ లైన్ ను వివరించడంతో పాటు ఈమూవీ టైటిల్ ను కూడ ఈ సినిమా ప్రారంభం రోజునే ప్రకటిస్తారని టాక్.
మొత్తానికి గత కొంత కాలంగా ఆర్ఆర్ఆర్ మూవీ అసలు పట్టాలెక్కుతుందా అని సస్పెన్స్‌ క్రియేట్‌ అవుతున్న నేపథ్యంలో రాజమౌళి, డివివి ఎంటర్టైన్మెంట్ ఆర్ఆర్ఆర్ మూవీకి సంబంధించిన కీలక ప్రకటన చేయడంతో అటు ఎన్టీఆర్ అభిమానులు, ఇటు రామ్ చరణ్ అభిమానులతో పాటు రాజమౌళి అభిమానులు కూడా ఉపిరి పీల్చుకున్నారు.
ఆర్ఆర్ఆర్ మూవీలో ముగ్గురు హీరోయిన్లు నటిస్తున్నారు. కీర్తి సురేశ్, రష్మిక, సమంతను హీరోయిన్లుగా తీసుకోనున్నట్టు సమాచారం. ఈ సినిమాలో ఎన్టీఆర్, రామ్ చరణ్ లుక్ కూడా సరికొత్తగా ఉండనుందట. డీవీవీ ఎంటర్‌టైన్‌మైంట్స్ పతాకంపై డీవీవీ దానయ్య ఈ సినిమాను నిర్మించనున్నారు. ఆర్ఆర్ఆర్ మూవీ బాహుబలి మూవీ తర్వాత చాలా గ్యాప్‌ తర్వాత రాజమౌళి తెరకెక్కిస్తున్న సినిమా. ఈ నేపథ్యంలో ఈ సినిమాపై ప్రేక్షకుల్లో భారీ అంచనాలు ఉన్నాయి.
