మెగాస్టార్ చిరంజీవి, క్రేజీ డైరెక్ట‌ర్ సురేంద‌ర్ రెడ్డి కాంబినేష‌న్ లో ఉయ్యాలవాడ న‌ర్సింహ‌రెడ్డి జీవిత నేప‌థ్యంలో ఓ చిత్రం తెర‌కెక్క‌నున్న సంగ‌తి తెలిసిందే. బాహుబ‌లి రేంజ్ లో ఈ మూవీని నిర్మించాల‌ని చిత్ర నిర్మాత రామ్ చ‌ర‌ణ్ భావిస్తున్నాడు.
అయితే ఈ సినిమా త్వరలో షూటింగ్ జరుపుకోబోతోంది. ఈ సినిమాకు మ్యూజిక్ ఏఆర్ రెహమాన్ అందించనున్నారని వార్తలు వినిపిస్తున్నాయి. చిరు సరసన ఒక హీరోయిన్‌గా నయనతార నటించనున్నారు. మరో హీరోయిన్‌గా ఐశ్వర్యారాయ్‌తో కూడా చర్చలు జరుపుతున్నట్టు సమాచారం.
షూటింగ్‌ను మాత్రం గ్యాప్ లేకుండా చేయాలని చిరు యోచనగా తెలుస్తోంది. ఉయ్యాలవాడ నర్సింహారెడ్డి మూవీకి సంబంధించిన పూజా కార్యక్రమాలు ఇటీవలే పూర్తయ్యాయి. ఈ కార్యక్రమం అంతా సింపుల్‌గా జరిగిపోయింది.
అయితే చిరు బర్త్‌డే కానుకగా ఫస్ట్ లుక్‌ను రిలీజ్ చేయనున్నారు. ఈ కార్యక్రమాన్ని అంగరంగ వైభవంగా నిర్వహించనున్నారని టాలీవుడ్ టాక్. ఈ కార్యక్రమంలో ప్రముఖ దర్శకులు రాజమౌళి కూడా భాగం కానున్నారని సమాచారం. అంటే ఉయ్యాలవాడ మూవీ ఫస్ట్ లుక్‌ను రాజమౌళి రిలీజ్ చేయనున్నారని టాక్.
