మెగా పవర్‌స్టార్‌ రామ్‌చరణ్ హీరోగా తెరకెక్కుతున్న చిత్రం ‘రంగస్థలం’టీజర్ నిన్ననే రిలీజైన విషయం తెలిసిందే. మంచి స్పందనను కూడా దక్కించుకుంది. అనేక మంది సినీ సెలబ్రిటీలు, ప్రేక్షకులు, అభిమానులు ఈ టీజర్ పై ప్రశంసల జల్లులు కురిపించారు.
చరణ్ తో మంచి మిత్రుత్వం కలిగిన దర్శకధీరుడు రాజమౌళి అయితే టీజర్ చాలా బాగుందని, ఈ సీజన్లో నేను ఎక్కువగా ఎదురుచూస్తున్న చిత్రం ఇదేనని స్పందించారు.
ఈ సినిమాలో రామ్ చరణ్… చిట్టిబాబు పాత్రలో నటిస్తుండటంతో ఆయన సరసన సమంత హీరోయిన్‌గా నటిస్తుంది. రాక్ స్టార్ దేవి శ్రీ ప్రసాద్ ఈ చిత్రానికి సంగీతాన్ని అందిస్తున్నారు. ప‌ల్లెటూరి నేపథ్యంలో అంద‌మైన ప్రేమ క‌థా చిత్రంగా ఈ మూవీ తెర‌కెక్కిన‌ట్టు తెలుస్తుంది.
అన‌సూయ ఈ మూవీలో రంగ‌మ్మ‌త్త‌గా క‌నిపించ‌నున్న‌ట్టు స‌మాచారం. ఈ చిత్రం మార్చి 30న ప్రపంచ వ్యాప్తంగా విడుదల చేస్తున్న సంగతి తెలిసిందే. ఇక ఈ సినిమాని 1985 కాలం నాటి గ్రామీణ నేపథ్యంలో ప్రేమకథా చిత్రంగా సుకుమార్ నాటి పరిస్థితులకు అనుగుణంగా తెరకెక్కించారు.
