సినిమా సినిమాకి కొత్తదనాన్ని చూపిస్తూ సినీ పరిశ్రమలో తనకంటూ ప్రత్యేక స్థానాన్ని ఏర్పరుచుకుంటోన్న నటుడు శ్రీవిష్ణు. నారా రోహిత్ ప్రోత్సాహంతో సినీ పరిశ్రమలోకి అడుగుపెట్టిన శ్రీవిష్ణు గతేడాది ‘నీది నాది ఒకే కథ, వీర భోగ వసంత రాయలు’ చిత్రాలతో ప్రేక్షకుల ముందుకువచ్చి అలరించారు. తాజాగా మరోసారి ఓ క్రైమ్‌,కామెడీ కథ బ్రోచేవారెవరుతో ప్రేక్షకుల ముందుకు వచ్చి హిట్‌ను సొంతం చేసుకున్నారు.
తొలిరోజే పాజిటివ్ టాక్‌ సొంతం చేసుకుని మంచి వసూళ్లను రాబడుతోంది. దీంతో బ్రోచేవారెవరురా సక్సెస్‌ని తెగ ఎంజాయ్ చేస్తున్నారు శ్రీ విష్ణు. ఈ మేరకు ట్విట్టర్‌లో ట్వీట్ చేసిన శ్రీవిష్ణు…తనకు స్పూర్తి హీరో వెంకటేష్‌ అని తెలిపారు.
శ్రీ విష్ణు సరసన నివేదా థామస్ హీరోయిన్‌గా నటించగా ప్రియదర్శి, రాహుల్ రామకృష్ణ, సత్యదేవ్, నివేతా పేతురాజ్ ప్రధాన పాత్రల్లో కనిపించారు. మెంటల్ మదిలో ఫేమ్ వివేక్ ఆత్రేయ దర్శకత్వం వహించగా మన్యం ప్రొడక్షన్స్ బ్యానర్‌పై విజయ కుమార్ మన్యం నిర్మించారు.
Proud moment !!!😀
when my morning starts with a applause cal from my inspiration hero Venkatesh garu!!!#Brochevarevarura @Brochevarevarra pic.twitter.com/7RkRhhyE0a— Sree Vishnu (@sreevishnuoffl) June 29, 2019
