వసతి గృహంలో ఆకస్మిక తనిఖీలు : పోచారం శ్రీనివాస్‌ రెడ్డి

తెలంగాణ శాసన సభ స్పీకర్‌ పోచారం శ్రీనివాస్ రెడ్డి గురువారం ఉదయం బాన్సువాడలోని బీసీ బాలుర వసతి గృహన్ని ఆకస్మిక తనిఖీలు చేశారు. వసతి గృహంలోని భోజనశాలను పరిశీలించి వంట మనుషులకు సలహాలు ఇచ్చారు. విద్యార్థులతో కలసి వంట గదిని పరిశీలించి వారికి కావాల్సిన వసతుల గురించి అడిగి తెలుసుకున్నారు.

వంటలో వాడే పప్పులు, దినుసులు, బియ్యం, కూరగాయలు చెక్‌ చేసి వాటిని పాడవ్వకుండా, ఎప్పటికప్పుడు తాజాగా ఉన్నప్పుడు వాటిని తెప్పించుకొవాలన్నారు. కొన్ని నిల్వ ఉంచుకొనే పదార్థాలను జాగ్రత్త చేసుకొవాలని సలహాలు ఇచ్చారు. కల్తీ, డేట్‌ ముగిసిన పదార్థాలను వాడకూడదని వాటితో పిల్లల ఆరోగ్యం దెబ్బతింటుందని హెచ్చరించారు. ఎక్స్‌పైరీ ఆయిన వాటిని తెప్పించి వాడితే కఠిన చర్యలు తప్పవని ఆధికారులకు ఆదేశించారు. ఈ సందర్భంగా పిల్లలతో కలసి అల్పాహారం చేశారు.